藝人黃日華自太太梁潔華離世後，曾因痛失摯愛而一度大受打擊，早前他驚喜現身黎瑞恩的佛山演唱會擔任嘉賓，即傳出因經濟問題而「全面復出」，對此他近日開腔回應，提到網上有影片以「黃日華宣布走出亡妻之痛復出台前」為題，他就明確否認：「呢條片段呢我就反覆睇過好多次，我就都聽唔到自己講過話要『復出』呢兩個字嘅，依家好多平台、網上消息都話我全面復出、拍戲、唱歌，要做好多商演活動呀，其實唔係真實嘅」，又表明做演唱會嘉賓並不等於復出，坦言享受現時生活，並將重心放在明星足球隊：「我要睇住隊波啦，帶住隊波啦，同埋我鍾意踢波啦，又可以同啲兄弟開心下，所以呢個工作我係非常之鍾意嘅！所以現階段我係付出多過復出嘅！大家唔好再信網上面嗰啲嘢喇，信我！」而被指經濟有問題，他就澄清：「「我雖然唔係好有錢，但我都仲有錢嘅，經濟方面大家唔使同我擔心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
