無懼「內定冠軍」質疑 周志康：冠軍不是終點
周志康接受《香港01》訪問時，被問到作為本地代表，要迎戰一眾「過江龍」。周志康認為：「我覺得唱歌，從來都唔覺得係一個要打敗對方嘅嘢。做好自己係最緊要嘅，冠軍就得一個，但其實每一個人都是獨立嘅。我覺得《中年好聲音4》是一個旅途，但冠軍唔係一個終點。我都希望大家朝住呢一個尖端（冠軍）進發嘅同時，唔好忘記自己鍾意唱歌呢件事係好純粹嘅。攞到冠軍嘅其中一個得著，就係你可以唱多啲歌。正如我一開始由140強、70強、40強一路晉級嘅時候，其實我哋大家已經唱咗十幾首歌，每首歌都印證住自己嘅努力、對音樂追求嘅歷程。所以回望返轉頭，你可以在電視台度唱十幾首歌，係幾幸運嘅一件事。」
隨著人氣高企，坊間也出現不同的聲音。由於他是參賽者中，唯一有份參與無綫新處境劇演出的選手，不少網民他能順理成章奪冠。周志康成熟回應：「咁又唔會，相信喺舞台上，如果你表現得唔好，呢件事反而係否定緊自己，所以唱好每一首歌係最實際嘅。假設如果我唱得唔好，但攞高分，我會唔開心。」
劇集比賽兩兼顧搞到「聲沙」
不過，近期需要兼顧劇集拍攝與比賽，周志康直言有少少吃力，連聲音都有些沙啞。他坦言自己剛拍完劇就立刻趕過來活動，等一下活動完又要趕回去繼續拍，兩邊兼顧確實的確有點疲勞，加上最近天氣轉變，以致哮喘發作，他笑言只能靠吃中藥來調理身體，並盡可能爭取時間休息，「最緊要知足，而家有工作已經好開心。」
感激太太熬湯送飯成最強後盾 女兒甜讚：爸爸好型
周志康更十分感激太太，在其背後默默付出：「太太好好啦，因為好似我頭先收工之後直接過嚟，我係飯都冇食嘅，但係太太就煲咗湯啦、準備咗飯幫我。頭先我喺後台就即刻食飯囉，活動後又要立刻返去拍劇。」
而兩個女兒在暑假期間也將爸爸的錄影現場當成了「暑期節目」，經常到場力撐。周志康甜笑著透露，大女兒不時會爆一句大讚：「爸爸你今日好靚仔、好有型！」令他感到非常窩心。周志康認為，他這次站上舞台、為夢想奮鬥的整個過程，本身就是對女兒最好的身教。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
