無綫節目 《中年好聲音4》昨晚（5日）播出「盲盒選歌」賽事，陳松伶擔任嘉賓評審，《中年4》12強選手由高分至低分依次序揀選盲盒歌曲演出。周志康繼續得到雙胞胎哥哥周志文在台下打氣外，車婉婉更突然重提陳松伶與周國豐的陳年緋聞，搞到陳松伶尷尬以笑容回應。
周志康抽中的盲盒歌曲是陳奕迅（Eason）的《天下無雙》，周志康得悉後坦言非常喜歡此歌：「因為我係Twins，所以我嘅天下無雙就係佢（周志文）。」周志康以溫暖歌聲演繹，感情真摯，連坐在台下的哥哥周志文亦聽到眼濕濕。被周志康感動張佳添表示：「你要多謝你哥哥坐咗喺度，你真係講緊你自己嘅天下無雙。」還以「恰到好處」形容志康的演出。
在比賽期間，車婉婉問完陳松伶對鄭家聲演繹王傑的金曲《可能》的評語，突然話鋒一轉，指見到陳松伶及周國豐坐在隔鄰：「頭先佢同周國豐傾一傾偈，先至醒起你哋兩個傳過緋聞。」陳松伶一臉尷尬傻笑，相反周國豐表現淡定稱：「係我榮幸，係佢不幸啫。」
在賽事中，被視為「中4炸彈」的尤淑情抽唱巫啟賢歌曲《太傻》時，興奮歡呼表示：「我的歌呀！」可見尤淑情對歌曲充滿信心。尤淑情以招牌爆發力，以及撕心裂肺的歌聲演繹時，更出現一口氣唱30個字零換氣，震驚全場。陳松伶邊聽邊數手指，而睇到目瞪口呆的海兒表示：「本身首歌已經好癲，你唱成咁更加癲。」周國豐則說：「佢係30個字之後抖氣，然後再30個字，嗰度先恐怖。」而獲得98分的尤淑情，成為今集MVP。
被淘汰的選手為演繹草蜢《紅唇的吻》的可嵐，評審指可嵐：「見到你擺咗好多好多嘅effort同設計，喺咁短嘅時間，都要applaud你嘅effort。但係呢，跳舞加mic stand 嘅時候，可能你又唔係好習慣用mic stand呢樣嘢加跳舞啦，咁就變咗你成日，特別喺頭段嘅時候，個收音方面好似收唔到你把聲，成日 feh-ah feh-ah 把聲，會有啲斷層嘅感覺。甚至又見到你冇郁嘅位嘅時候，個支 mic stand 都喺度自己郁緊，因為你啱啱fing完佢。」可嵐未能進入下一輪比賽，感觸表示：「自己係3個小朋友嘅媽媽，跟住要顧住好多小朋友嘅嘢，又準備搬屋有好多好多問題出現。」可嵐在化妝師鼓勵下：「我諗完之後，我就係想喺呢個舞台上面，再一次挑戰自己，同埋希望突破自己，我會繼續締造我嘅傳奇。」
而周志文現時除了幕前演出外，更有做廚具生意，更不時於社交平台開直播，細佬周志康日前亦有跟他齊齊做直播，與網民拉近距離，更新近況。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
