前無綫電視（TVB）資深監製兼戲劇組製作部經理梁材遠（人稱「材叔」）今日傳出離世消息，終年75歲。朱晨麗在社交平台出post悼念。梁材遠在無綫工作達35年，2020年宣布退休，《大醬園》是他在TVB的最後一部作品。
他於1975年加入無綫電視，早年曾任職編劇及編導，其後於1980年代晉升為監製。他擅長捕捉人性細節與社會脈搏，1988年由他監製、韋家輝編審的《誓不低頭》轟動一時，創下極高收視，成為港劇史上的經典之作。90年代升任製作部經理後，他策劃《茶是故鄉濃》、《酒是故鄉醇》等，同樣叫好叫座。
曾合作《金石良緣》、《老友狗狗》、《蒲松齡》、《紫禁驚雷》、《造王者》、《守業者》的馬浚偉接受東網獨家訪問時表示：「好突然好難過！我今年四月先同佢聯絡過，講好咗話會約飲茶！材叔係喺TVB裏面好錫我好錫我嘅監製，我拍咗好多佢嘅作品，佢成日叫我做小隊長，佢話有我開工佢好放心，我亦都真係好尊重好尊重佢！好唔捨得，希望他日天家再見！」
曾合作過《果㯗中的江湖大》的陳煒，曾跟TVB金牌監製兼戲劇組製作部經理梁材遠（圈內人尊稱『材叔』）合拍兩劇，她接受東網獨家訪問時聲線沙啞似哭泣中說：「我啱啱睇到呢個消息都好唔開心，之前我哋都會相約一齊食飯，因為佢真係好嘅前輩，我入咗TVB都畀咗好多機會我，好似《果欄中的江湖大嫂》、《火線下的江湖大佬》，佢好多次都用我做主角，我真係好感激佢，好似爸爸都和藹可親嘅前輩，畀好多表演空間我發揮，多謝佢提攜。」
而合作過《大醬園》的朱晨麗接受東網獨家訪問時表示：「我依家心情十分之難過。慶幸能參與到材叔離巢前最後一個作品《大醬園》。拍攝時材叔佢都會親身提點、耐心指導，令我好好磨練演技，令我見識到一位資深電視前輩對行業最真誠嘅熱誠。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
