「型男」林峯以全球代言人身份拍攝全新美心月餅廣告，現場出現一部「紅色辣跑」，跟着上紅色西裝的他相當合襯，他也笑說：「架車夠晒型，好彩我都唔輸蝕，冇畀佢嘅氣勢壓到。」談及他推出「林峯立體珍藏卡」，笑言自己也重拾童年樂趣： 「依家好流行抽卡，聽講好多粉絲為咗抽到心水卡會交換甚至瘋狂搜羅，我自己睇過製成品，3 款造型都好有驚喜，連我都想抽返一套珍藏！」更透露囡囡得知爸爸出閃卡，都興奮話要抽埋一份。
近日忙於拍攝電影《九龍城寨之終章》，他透露有不少場口在香港舊區及街道實地取景： 「雖然拍攝過程好緊湊，但同時又好開心，因為可以將香港傳統嘅街頭氛圍、巷仔情懷拍低落嚟。」又分享拍攝期間發生了不少有趣小插曲，雖未能劇透細節，但他強調：「能夠喺香港街道捕捉呢份獨特嘅地道氣息，我覺得特別有意思，亦更加珍惜呢分屬於香港嘅味道同回憶。」
阿峯電影中是係頂天立地的「城寨英雄」陳洛軍，但一提到「前世情人」，就即時硬漢融化，變身「暖男爸爸」。談到中秋大計，坦言最想向劇組請假陪家人：「中秋最緊要一家人團圓，一齊食飯、賞月、食月餅。暑假後女兒就升讀小一，計劃帶太太同囡囡飛去外地旅行：專心做『爸爸』呢個角色，珍惜陪佢成長嘅每分每秒，呢個先係我最重要嘅大 project！」阿峯亦提到已經開始籌備 part two 巡迴演唱會，透露準備了很多新驚喜，叫粉絲大感期待。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
