作為藝人，身材管理絕對是一大課題，皆因無時無刻都希望將最完美一面呈現給觀眾。藝人朱智賢（朱朱）向來身形弗到漏，更不時於社交網分享靚相大騷完美身材，不過她日前竟「自拆招牌」放出形象自毀系列，更惹來大肚疑雲！
朱智賢於社交網晒出兩張自拍照，事先聲明要慎入，她寫道：「講個秘密畀大家知，其實...我個肚腩真係好大，喺大家眼中我不嬲都係一個好瘦嘅女仔，因為我手腳都係比較纖幼，但係其實無論我幾瘦都係會有個肚腩喺度。」朱朱笑指正常人平日也不會將肚腩騷出來給人家看，因此大家才未有發覺，但其實這「朱腩肉」已困擾了她一段日子，她坦言因自己太為食，尤其喜歡甜品和曲奇，不過大家可以放心，因她似乎已找到解決方法，表示稍後會再跟大家分享。靚相一出，粉絲們紛紛搞笑留言送祝賀，好友江嘉敏留言：「喂，恭喜晒」袁偉豪留言：「恭喜你呀，知道仔定女未啊？」黃建東也加入戰團：「會係順產定開刀？」朱朱則笑言：「到時先算」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
