內地藝人成毅夥拍袁詠儀（靚靚）主演劇集《狩謊》今日（3日）正式於香港開鏡，場面盛大之餘，亦吸引得大批粉絲於開鏡大廈下等候，熱鬧非常。惟儀式上未見袁詠儀身影，待佢與余香凝完成趕拍電影《慾望寄生》後先會入組。現場更見香港藝人張頴康、內地型男肖順堯驚喜現身，未知會擔任何角色。
監製曾志偉上載現場多張合照，留言：「《狩謊》開機大吉！美味vlog晚上放送哦😎祝《狩謊》開機大吉 今日香港天氣好熱啊 小朋友們記得做好防曬呀」成毅自然企當眼位置，身邊亦獲導演、曾志偉等圍實，佢仲被拍得為食品嚐拜神乳豬，似乎對香港開鏡儀式感好奇。
《狩謊》已率先斬獲第六屆新時代國際電視節「2026最具期待作品」獎。據知，今次成毅獲劇組重點照顧，因其敬業態度打動人心，除自5月中旬起便推掉所有公開活動，到港「隱身」籌備新戲，就連曾志偉亦替佢閉關一個半月未露面而安撫粉絲，表示：「靚仔多數都唔鍾意出風頭㗎」，全力護航。
同劇肖順堯亦相當猛料，佢早年同成毅主演武俠劇《蓮花樓》漲粉30萬爆紅，人氣狂飆嘅肖順堯更由男配飛升男一，同內地頂流女星吳謹言拍攝劇集《重生之門源起》。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
