今日網上瘋傳一段車cam片，事緣疑似呂方乘搭網約車，期間與司機起衝突，雙方更一度爆粗互相指罵。司機表示自己已跟導航到達目的地，但乘客就說並不是此位置，因而發生口角。期間雙方各執一詞，更一度以粗口互相問候，之後乘客因為開不到車門，最終發火說：「我記X住你車牌！你死X梗！」司機此時認出這名乘客無論聲線和樣貌都極似呂方，並說：「X你老母臭X死矮仔，啊！我記得你啦X你老X！呂方呀嘛！X你老X！」疑似呂方則指住他：「你個X家剷你咁X樣做生意？你死得喇！」
片段一開始，疑似呂方問司機：「你跟導航？」司機表示：「咁我係跟導航吖嘛，你到咗…你自己睇吓，你唔啱可以投訴，睇吓係咪跟導航？」疑似呂方語氣冷靜回應：「我知，你前少少吖，392號。（司機：前面冇得停車吖嘛老細！）嘩？你咁樣做生意嘅？（司機：咩我咁樣做生意呀？）你咁都得？392號，呢度唔係，呢度30幾…」此時，司機都有向前駛些少，但可能因無法停車或趕着接下一單生意，態度開始轉差，趕疑似呂方落車：「我唔知呀，到咗喇！我依家有單，我冇可能同你搵啦係咪呀？大佬，要搵食吖嘛大佬！」疑似呂方不斷遭司機打斷說話，突然無名火起：「細聲啲！細聲啲！（司機：咁我係到咗吖嘛！）細聲啲！你唔好X嘈呀！」（司機：乜嘢唔好X嘈啊？咁係到咗吖嘛。）」
疑似呂方拎出手機，並指着地圖表示未到目的地：「未到吖嘛！392吖嘛！」司機繼續激動，指自己只是跟定位：「我點X知？你要搵嘅你坐的士吖嘛大佬，我跟定位吖嘛，點對點吖嘛！」疑似呂方繼續問：「咁即係畀地址畀錯啦？」司機則回答：「我唔知喎。」接著疑似呂方叫他「吔屎」，司機就重申確實是點對點，如有不滿可以打電話上台反映，疑似呂方此時妥協，語氣回復冷靜，說：「得得得冇問題，開門吖。」但司機就叫他自己開，更說了一個讓疑似呂方聽不明白的字：「開門你咪自己開，向後『掰』吖嘛，向後『掰』呀……」但該疑似呂方似乎用力也開不到門，更表示：「乜X嘢向後『掰』X你老X！」僵持一會後，疑似呂方終於成功開門落車，但司機因為聽到他爆粗又再次變得更加激動：「我X你老X呀！」疑似呂方說：「得！我記X住你車牌！你死X梗！」
由於原本車廂內的環境昏暗，司機一時未清楚見到乘客樣貌，直至乘客落車後，此時司機認出乘客疑為呂方，並說：「X你老母臭X死矮仔，啊！我記得你啦X你老X！呂方呀！X你老X！」疑似呂方則指着他：「你個X家剷你咁X樣做生意？你死得喇！」該司機最終一邊駛走，一邊向車窗外再激動喝罵：「你X家剷，X你老母臭X，死人臭明星，X你老X臭X！坐唔X起車唔好X坐啦，X你老X！」
影片一出引起網上熱議，網民都覺得乘客的聲線和呂方極為相似，亦隱約見到樣貌與呂方相似，因此有網民留言：「翻版林雪大戰呂方？」亦有人指是網約車導航定位問題引發事件，而網民普遍認為司機問題較大，表示：「最怕遇到呢啲司機，咩叫唔會幫你搵? 跟定位都可以錯架喎，特別係U字頭個App，成日錯。咁人地有地址咪開去前啲囉。咁串其實唔好揸車接單。又要做，又唔想車人去啱嘅地方。」、「呢鋪我就撐呂方！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
