《中年好聲音》日前宣布第四季完結後將破天荒休戰一年，消息令大批觀眾震驚。身為4屆常駐評審嘅音樂人張佳添深夜突然發長文，親自為停辦一事護航，更暗示節目未來將迎來大洗牌，揭出鮮為人知嘅背後真相！
針對重大變動，由第一屆便擔任主持嘅車婉婉，直言團隊連續製作四季極度疲勞，停辦可以畀觀眾慢慢消化剛誕生嘅冠亞季軍。佢強調自己絕不失落，熱切期望未來能夠繼續歸隊，呢段長達一年嘅空窗期，無疑為整個製作團隊及觀眾提供一個喘息空間，令大家重新調整步伐。
另一位評判張佳添深夜轉發相關報道，並撰寫長文，佢拍心口強調第五季一定會重啟，但坦言一年後變數極大，電視台嘅形式、評審、主持陣容都可能係未知數：「我不能肯定的是到中五來臨，到時節目的形式是怎樣？誰是評判誰是主持？」佢又豁達表示，就算未來大家再見唔到佢，佢都依然會係節目超級粉絲，呢番言論瞬間引發大眾揣測有換血名單。
張佳添同時為現正熱播嘅第四季全力打氣，佢表示目前正在進行嘅十強陣容絕對係過往歷屆之中最強，又呼籲觀眾喺休戰期前，必須好好享受由依家到決賽嘅每一集，見證最終７強精英誕生。
停辦消息一出，各大社交平台隨即被網民洗版，部分忠實觀眾表示不捨，亦有人認為停辦係明智之舉，甚至將矛頭直指評判嘅評分標準。有網民狠批賽制充滿瑕疵，有人直斥：「如果真係有中5，希望你哋幾位評判比分正常公平啲喇，唔好次次嗌爆咪嘅高分，唱錯歌詞嘅高分」又有觀眾對早前有參賽者忘詞卻依然獲高分感極度不滿，怒轟節目已經失去公信力，直言見好就收先係最佳出路。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
