藝人陳凱琳（Grace）因與內地短道速滑名將王濛合作而收獲大批CP粉，更傳出老公鄭嘉穎因呷醋而拉黑網民，昨日夫妻二人出席活動時，嘉穎否認呷醋，直言自己不看社交媒體，根本不知發生何事，認為網上很多言論不負責任，毋須為此浪費精力。
藝人鄭嘉穎和陳凱琳（Grace）昨日夫妻檔出席在馬來西亞的美妝品牌活動，表現恩愛。早前Grace參加內地綜藝節目《乘風2026》（浪姐7），與王濛因合作雙人舞台《獨家記憶》而吸納大批CP粉，事後有人稱在嘉穎的社交網留言區貼上Grace與王濛的合照後遭拉黑，其後Grace在網上代老公澄清。
昨日兩人受訪時，提到Grace跟王濛的合照引起很大回響，獲讚是合襯的Couple，嘉穎聞言即裝兇說：「說啥？你再說一遍。（你呷醋？）No，哈哈哈！其實我真的不看社交網，我不看新聞的，所以我都不知道發生甚麼事，是我老婆告訴我，我才知道，我不是社交網那個年代的人。」又坦言有些網民的留言不負責任，毋須在這些事情上花精力。
樂做湊仔公
問到嘉穎有否收看《浪姐7》？他笑言：「我有支持，佢要我睇，唔止要我睇，仲要我畀埋啲小朋友睇。」他大讚太太雖然未能成團，但依然表現出色：「其實以佢唔係一個歌手嘅情況下，佢真係好犀利，我已經覺得係99分，仲有1分係費事畀到咁盡，我（《披荊斬棘3》）第一個舞台都過唔到。」Grace表示現時要回復媽媽及老婆的狀態，嘉穎笑言：「係呀，我都頂咗3個月湊仔，你自己諗吓啦，係咪做人要公平啲！」Grace即戲言：「今次可能係我哋最後嘅假期，哈哈！」嘉穎正經謂很支持太太參加這個綜藝：「佢有咁好機會當然要做，其實整體嚟講我好享受同我3個仔一齊，因為再大啲，佢哋都未必理我，我應該多謝太太畀咁多機會我同佢哋相處。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
