現年94歲的藝人胡楓（修哥）之前身體不適，今日（30日）他在社交網拍片交代身體情況，片中胡楓跟新抱出鏡，新抱JoJo代為交代指胡楓早前因急性膽管炎入了伊利沙伯醫院ICU，前後昏迷了4天及由於呼吸問題需要插喉，家人為怕被傳媒到醫院打擾，故向來宣稱修哥只是患了新冠。鏡頭一轉，修哥跟主診醫生對話，他自言昏迷後醒來，醫生指他在鬼門關打了一轉，真的很恐怖，醫生解釋修哥是膽石跌了在膽管而引起膽管炎，令細菌入血，並引致休克，醫生不諱言很多人因此而失去性命，所以修哥當時十分危殆，故此要通膽管外，還要切除膽囊以防再發作。
修哥憶述昏迷後醒來情況：「我一睜開眼個環境好陌生，醫護人員問我叫咩名，我答中咗佢好開心，雖然係醒咗，但非常辛苦，因為我被五花大綁，唔畀我掩到塊臉，又唔可以掂到心口嘅喉管，雖然辛苦，但醫護人員好照顧我，據我所知，醫院杏林高手對我好好，好悉心調理，有一次我差唔多在睡夢中摸到一雙手，點解你對手咁凍，佢話剛洗手，我感到佢內心嘅熱情，對我非常好。」他指在我睡夢中，不斷想起家人、朋友及網友，他們給自己極大鼓勵:「我家人、我嘅仔女、新抱、弟妹，所有嘅朋友，我都想見番，每一段都佢哋嘅出現，關心我嘅片段，仲諗起平時好多網友鼓勵我，所以呢段時間都有諗起你哋。我喺睡夢中同自己講要同好友、家人見番一面，我依家做得到，我會同大家傾偈、見面，仲要多謝咁多年做我演唱會嘉賓嘅朋友。」
東網聯絡上胡楓跟進他的健康情況，他透過語音回覆，中氣十足表示：「唔好意思冇覆你。（食飯未呀？）未呀。」相信已康復不少。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
