Lucy李元元考第一獲獎勵漂染頭髮
現時就讀小學二年級的Lucy李元元日前派成績表，考獲全班第一名，非常叻女！為了獎勵女兒，梁志瑩兌現承諾，實現女兒一直想染髮的願望。梁志瑩在IG分享照片，並寫道：「最近成績咁彪炳，鋼琴表演又咁出色，都真係冇理由唔獎勵你，今個暑假俾你染返個靚頭威盡個暑假機緣巧合搵到以前成日幫襯我買衫嘅熟客幫Lulu染呢個頭! 媽媽都好滿意! 有型得來不失可愛! Thank you so much! @zoie_theroom 第一次染髮興奮嘅心情 第時有蔭試吓染呢個😂 老母最叻做指揮官 熊貓是寵物 染呢個頭，最尾坐咗成四個鐘，梗係要有糖果相伴佢個樣😂 金毛獅王 嘩 靚晒！LU姐就是靚！」
從梁志瑩分享的多張照片可見，以招牌冬菇頭示人的Lucy坐在髮型屋椅子上，任髮型師為她漂染。梁志瑩亦詳細記錄了女兒首次漂染的過程，而Lucy亦非常乖巧地坐足4小時，期間更不時對鏡頭展露興奮表情，最後髮型師為她的頭髮漂染成淡粉紅髮色。
網民評價兩極憂Lucy太早接觸化學物料
有大批網民看到梁志瑩分享的照片及片段後，都大讚Lucy靚女兼有型：「我以為係駁髪、原來堅係染、太有型啦😍😍」、「好型！」、「染髮期間不停咁食嘢😂」、「Lulu 又潮又型，既貪靚又充滿自信，笑得多甜美 ❤️❤️❤️」、「乜依家啲小學生可以咁型嘅？😍」。不過亦有網民擔憂Lucy過早接觸化學物料：「好型！不過漂染好毒好傷。。。下次或者試下一次性染髮膏，乜色都有梳上頭髮就搞掂小朋友可以自己染成點都得發揮下創意，而且一洗就甩無咁毒無咁貴」、「她年紀太小了，不適合做這件事……染髮對健康有害，尤其是對孩子而言。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
