藝人葉蒨文（Sophie）近日變身「跟得女友」，陪伴有道士身份的另一半曾展望（GM）到訪崑崙山西王母瑤池述職。期間GM問女友有否興趣拜師，便速成了Sophie「入門」的決定，靚女透露：「本身只係純粹去拜會西王母娘娘，但GM問完我之後，我覺得喺一個海拔4,300米又咁神聖嘅地方拜師都幾型同幾難忘喎，但答應之後都擔心自己會唔會有高山反應。」
結果抵埗首天，GM告訴女友指師傅怕她辛苦，已為Sophie備櫈拜師：「嗰日請完神之後大風大雨，海拔咁高非常凍，頭髮都吹到好亂同埋濕晒，但好神奇嘅係到我拜師雨勢同風勢開始減弱，而且天色變晴，最後整個儀式好順利。 師傅都話未試過咁惡劣嘅環境收徒弟，對大家嚟講都好難忘。」
「嫁雞隨雞」的Sophie已嘗試了解GM篤信的道教逾年，認為正式拜師是一種承諾：「其實上個月見到師傅幫助過一個人，過程中我特別感動，決定拜師跟住就擲筊，一嚟就『三聖』，而且今次抵埗格爾木落機嘅時候我哋已經喺2,800米海拔，但冇乜感覺，去到西王母瑤池4,300米我先有輕微反應，感覺如有神助！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
