肥媽養一家七口還債做搬運被嘲「白粉婆」
肥媽日前拍片透露，當年一個養6個細路，4個小孩要上學，另外兩個還是BB，還要被人呃欠債。至於「點解女人會揀搬運」，因當年因搬運公司在肥媽屋企附近。肥媽指當時告訴「朱太」要湊細路又要養家，「朱太」指：「你睇吓你拎唔拎得起」肥媽心諗：「你搬唔起，你6個細路哥就冇飯食。」
最後肥媽「一嚟就嚟」，一人搬起約50KG麻包袋，肥媽只稱「小事」肥媽憶述當年要孭麵粉：「50磅一包麵粉，我哋（孭）三包麵粉就係150磅（約68公斤），由街頭搬到街尾，仲要擺落部機器度，再將佢入篩、攞返出嚟攪、入包。」肥媽指做到成身至眼眶都是麵粉，故被嘲「白粉婆」。
肥媽搬到手受傷：洗衫大聲嗌
肥媽一邊做搬運，一邊湊細路：「我朝早做好早餐，燙晒校服（畀）啲返學嘅（小孩），做完呢兩樣就仆去做搬運。晏就一個鐘就仆返嚟，又要整奶、煮飯畀佢哋食，又仆返去。收工又仆返嚟煮飯、洗衫，（問）『做好功課未呀？』」
肥媽搬到手都損，回家洗衫痛到大嗌，她說：「返到屋企又凍，洗衫（痛到）大聲嗌，一洗完衫搽啲凡士林，套個膠袋落隻手就瞓啦，朝早起身就做嘢。」肥媽做了兩年7個月，最後沒有取回部分退還金。她指做搬運做到有陰影，至今經過當年做搬運的地方還要兜路走，當年生活所迫也不敢想太多，惟有咬緊牙關堅持落去，「我冇諗過、要計還幾多個月（錢），當你一計就捱唔過㗎」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
