無綫長壽處境劇《愛．回家之開心速遞》昨晚（7日）播出大結局，引發全城集體回憶及不捨之情。劇集歷年來有不少演員參與，當中包括飾演「熊心如」的蘇韻姿，已離巢的她未能出席昨晚舉行的大結局派對，但她相當有心，在社交網拍片跟觀眾告別，她在片中一人分飾兩角，以蘇韻姿及熊心如的形象出現，她寫道：「愛回家大結局，但我們不說再見，感恩相遇，感恩支持。準備了一份小小的心意，希望大家喜歡。」
片中蘇韻姿問心如：「返嚟喇，點呀去咗歐洲咁耐，我一直都等緊你返嚟！」心如表示：「我喺歐洲返咗嚟之後唔知點解就好想搵你。」蘇韻姿笑言：「因為我就係最熟悉你嘅人囉，我知道你心地善良又細膽，但係依家已經係一個好有自己諗法，亦有自己事業嘅人，我為你驕傲。」心如即感謝對方陪她行完人生的劇本，其後蘇韻姿稱：「今日好想同你一齊感謝，每一位陪住熊心如成長嘅觀眾。」
熊心如與蘇韻姿隨即同框出現，並說：「雖然愛回家已經到大結局，但只要你心入面有愛有家，我哋永遠都唔會離開你。」蘇韻姿續發表感言：「好想多謝愛回家之開心速遞嘅劇組，裏面台前幕後所有人，多謝你哋咁多年嘅照顧，亦好想多謝位一位陪住熊心如同蘇韻姿成長嘅你哋，多謝你哋咁多年來嘅支持，有你哋嘅支持我先有力量向前行，熊心如呢個角色對我好重要，所以多謝你哋嘅喜愛。」有網民直言見到熊心如即時想哭，又稱大結局看到不到她感遺憾。
另外，同樣有份演出的鄭衍峰在社交網分享劇照，並寫道：「陪伴了我們差不多10年的處境劇，初入行時都有在愛回家拍攝的日子，想念當年的青春。byebye」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
