名媛上山詩鈉日前62歲生日，生日派對可謂星光熠熠，有邱淑貞夫婦、梁家輝夫婦、葉童夫婦、杜德偉夫婦、吳啟華、方中信、馮德倫、唐鶴德等均有到場祝賀，場面熱鬧。繼日前佢晒出影帝梁朝偉及歌神張學友Re-U驚喜同框後，尋日（27日）佢繼續晒相，今次到邱淑貞戴百萬名錶搶Fo，加上沈嘉偉罕有露面，同樣搶去目光。
邱淑貞自1999年與時裝品牌創辦人沈嘉偉結婚後，即全面息影專心相夫教女，今次邱淑貞特意化上精緻妝容，盤起黑色長髮顯優雅。雖然女神年近60，但皮膚緊緻透亮白滑，保養得宜。而當晚邱淑貞以簡約黑色恤衫，手上更佩戴一枚橙色高級名錶，保守估計價值逾百萬港元，吸睛程度爆晒燈。至於久未露面嘅沈嘉偉，早年曾傳出身體亮紅燈，今次見人佢已完全回復健康，戴上黑色粗框眼鏡及黑色帽，身穿簡單白Tee，打扮休閒，身形亦適中，精神奕奕，踢走病重傳聞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
