前港姐亞軍何依婷2023年底下嫁物流才俊Cedric，去年順利誕下愛女，正式躋身上流社會。日前佢興奮分享一張身穿英超球隊曼城主場波衫嘅靚相，點知分享日常變惹上「假波衫」疑雲！有一名網民留言質疑何依婷身穿假波衫，指波衫印字有異，懷疑送衫畀何依婷嘅朋友可能受騙：「何依婷小姐，你個朋友係咪跣你呀！？曼城主場波衫，就咁睇係真，但啲印字好有問題！英超正版字唔係咁樣㗎喎！你個friend可能瀨嘢喎！😅😅😅😅😅」
面對網民突如其來嘅質疑，何依婷都未驚過，更提供晒證明為朋友平反，親自現身留言，大展極高EQ：「朋友幫我買+印字㗎！掃了QR code～應該唔會係假掛？🥹」何依婷語氣溫和，又附上無辜表情符號，態度真誠又討好，最後提出質疑嘅網民亦「轉軚」，禮貌地接受解釋：「Regina，謝謝你的回應。既然係official有認證，咁就係真嘢！希望你着得開心本尊已回應。討論完畢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
