藝人古天樂（古仔）將於聽日（21日）舉行入行33年首個紅館演唱會，為加大力度宣傳，佢尋晚（19日）竟驚喜現身網上短片《老馮日記》。獲藝人好友馮德倫度橋，將古天樂經典「曬燈」及港式普通話爛gag玩到極致，仲引得古天樂講出「想節能，輪胎能」，更加變奏成普通話「德倫」。
只見二人瞓喺太陽燈（Tanning）內邊曬邊吹水，古仔問︰「點解屋企人要幫你改德倫，你個輪唔得咩？」馮德倫稱名字係藝名︰「至於我個輪得唔得，又有咩所謂！」馮德倫又忽然醒起古仔昔日呼籲「要節能」口號，不忘寸爆︰「演唱會要曬黑啲咁呀？你唔係話要環保啲，『要節能（普通話）』咩？」搞到古天樂即刻靜晒，無力還擊。最後馮德倫幫古生撳掣續曬part two時，因戴上「防紫外線眼鏡」而撳錯掣，令古天樂在曬燈箱內大叫救命，最後變成了他的愛的「黑武士」登場，場面爆笑。
唔少網民大讚條橋正，希望《老馮日記》出密啲，又笑古天樂變咗「黑冇事」，同時有網民估馮德倫係咪會做古天樂演唱會嘉賓之一，延續該集《老馮日記》。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
