藝人吳若希無懼撞正農曆七月十四在紙紮舖開工，反而覺得更旺她，又口沒遮攔稱已「死」過多次，現在是「不存在嘅靈體」。她又表示因體會到生前死後的感受，所以將來辦喪禮，親友一定要笑住送殯，認真大吉利是！
昨日農曆七月十四鬼門關大開，人人避之則吉，但吳若希（Jinny）與在無綫處境劇《愛．回家之三代同糖》中飾演其女兒的李茵彤卻到紙紮舖拍外景，但兩人表現自若，百無禁忌！連護身符也忘記帶的Jinny，受訪時表示雖信鬼神之說，也曾在朋友家中疑撞邪，但她冇有怕說：「唔驚喎！大家喺唔同時空間，我尊重你，你尊重我啫！」又指場口只是買中秋節燈籠，所以毋須太忌諱。而李茵彤直認最初聽到要到紙紮舖也感錯愕，但覺得日光日白不用怕。
問Jinny到紙紮舖可覺得邪門？她豪氣說：「都邪㗎！不過我覺得鬼節旺我喎！好似我首《越難越愛》同今日派台嘅新歌《再見嗎》，仲有3年幾前拍嗰齣劇集《死有對証》，我場扮死屍戲全部都係鬼節時推出或者拍攝，覺得自己好啱農曆七月做嘢，非常好。」不怕大吉利是？她繼續亂噏：「我都『死』咗好多次其實我係一隻大家睇到、但我當自己唔存在嘅靈體。」
轉Plan唔用AI景
提到在《死》劇中的扮死屍戲，她表示難度極高，要注意呼吸及緊閉雙眼，但同時要做出鬆弛感，而她最難忘的是：「場戲係我要畀Hera（陳曉華）驗屍，佢不停喊，我又控制唔到跟住喊，但作為一條死屍係唔應該喊嘛！」除了考演技，她亦有所感悟，計劃將來舉行喪禮時，禁止親朋戚友痛哭：「因為瞓喺度嗰個會感受到不捨同唔開心，大家要笑住同我道別，繼續同我亂噏廿四，咁我就好開心。」該場戲只需露膊頭，但她說是為藝術大犧牲：「嗰日我淨係着咗肉色上半身衫同底褲，有嘢睇㗎！我係性感女神。」又慶幸劇集雖被指「倉底貨」，但其顏值不變，更偷笑說：「冇變樣，依家仲靚，證明我冇整容。」
另外，談到《愛》劇本周最高收視17.8點，較上周微跌1.7點，問身為女主角的她可感壓力？她淡然表示沒有感覺：「多Talking Point好過冇人理，做得唔好畀人討論更好，咁我哋就知道有咩進步空間。處境劇最好係可以邊拍邊調整，例如觀眾唔鍾意AI景，我哋即刻轉Plan，大家嘅聲音係有聽到嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
