李克勤覺得尤淑情的錯可以避免
被問到是否「低級錯誤」時，李克勤則厚道地表示：「呢個時候我唔想用低級呢個字眼，但係點解要決賽先呢個可以避免嘅錯誤。呢個係唔講可以避免，可能係佢人生中其實係得一次嘅啫，咁但係就偏偏喺今日發生，咁但係都唔緊要嘅，因為米已成炊同塵埃落定啦。」
李克勤屢避談仔仔拍拖
除了精闢點評外，李克勤的家庭生活亦是追訪的焦點。對於早前有傳其兒子情竇初開，與「聲夢小花」姚婥菲傳出緋聞，他面對連番追問即煞有介事並多次使出「太極神功」，不斷重申：「《中年好聲音》呢，就講返啲《中年好聲音》嘅嘢！」他口風極密，僅以嚴父口吻拋下一句：「呢啲後生仔嘅嘢就後生仔自己解決啦。總之我都系一句，學業為重，讀書為重，其他嘢唔搞咁多啦。」堅拒再談兒子的感情狀況，最後拋下一句：「唔鼓勵！」
李克勤老婆盧淑儀與車婉婉是閨密
此外，李克勤亦大方提到與節目主持車婉婉的深厚交情。他透露車婉婉是他老婆盧淑儀的閨密，當年二人結婚時，車婉婉更擔任姊妹及司儀。李克勤笑言一直有為車婉婉的演出給予意見：「當其時佢做第一季嘅時候，咁大家又分享下，其實你做咩點啊。」看到對方現在如此受歡迎，自己亦替她感到非常開心。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
