深夜警報大作驚動鄰裡 陳美齡憶述地震經過
提及日本最近的強烈地震，陳美齡表示當時自己正好身在東京，親身體驗了深夜地震爆發時的驚險時刻。她回憶道：「我都好擔心啊，落雨嘅時候當然係大事件啦，但係地震嗰陣其實真係好緊要。我喺東京啊，夜晚兩點鐘，突然間個手機不停喺咁響，提示有地震。我屋企前邊係一家政府嘅托兒所，嗰度就放很大聲嘅廣播：『大地震！大地震！請大家小心！』我好驚啊！」她隨後與家人連忙走到下層的客廳並打開電視關注最新災情，幸好最後證實沒有餘震及海嘯威脅，大家才鬆一口氣返回房間休息。
公開防災救急物資箱 陳美齡大推「蜜糖」為最佳防災糧食
被問到常年面對地震威脅，家中儲備的物資能維持多久時，陳美齡透露自己有一套特殊的防災策略，其中最重要的靈魂物資竟是「蜜糖」。她分享道：「我屋企有好多蜜糖，因為蜜糖係最好嘅！你唔使煮啦，佢營養又高，卡路里又高，同埋佢唔使擺雪櫃，一路上都唔會壞。我仲有好多水，同埋急救包。嗰啲麵包罐頭一年到晚要換，而且即食麵又需要水或者熱水，要煮嘅嘢都冇咁好，食落去好乾又唔得，所以蜜糖係最好嘅。」她更笑言家中有一個專門囤放蜜糖的「寶庫」，儲存了多達30罐蜜糖，除了留給家人使用，亦打算在緊急情況下分發給有需要的鄰居或小朋友。
平時演練防災意識 隨身準備急救包以備不時之需
對於日本頻繁的天然災害，陳美齡坦言當地居民其實早已習慣並隨時做好心理準備。她指出，日本平日均有嚴格的防災訓練，家人之間也會事先約定好萬一分散時的集合地點。此外，她們也會將護照、重要文件及現金集中放在隨身袋中，方便隨時提著逃生。她補充道：「因為停電嘅時候卡都用唔到，所以一定要有現金。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
