尼泊爾周三（26日）發生泥石流，洪流從山區傾瀉而下，波及接壤的中國西藏吉隆口岸。截至周四（27日），尼泊爾一側至少270人死亡，826人失蹤，其中579名失蹤者是外國公民；西藏一側截至周四早上8時有2人獲救，3人死亡，558人失蹤，其中260名失蹤者是外籍人員，情況嚴峻。藝人陳浚霆早前與朋友到了泥泊爾行山，今日則透過社交平台分享當地照片，並為泥泊爾送上祝福。他接受東網獨家訪問時表示：「我今年個座右銘就係More Hike,Less Shopping，所以想感受多啲大自然，但係見到個地方咁樣都有啲心痛。因為佢冇畀人佔領過，所以保留咗好多以前尼泊爾一路傳落嚟嘅名勝古蹟，而且嗰度啲人真係好Nice好單純。好好在我依家喺香港。行山過程都好得意，上到去我哋自定嘅高點，但當時不斷橫風橫雨，行雷閃電，民宿又停電。」
陳浚霆談及旅程的過程，透露：「早前係先去完尼泊爾再去歐洲，去完法國但又入咗醫院，近排又開拍新節目，所以一直未有時間分享相片。不過，近排睇到尼泊爾發生事，個心都覺得有啲可惜。其實，嗰度夜晚和日頭天氣，係愈上愈高愈凍，橫風橫雨就停電，咁就好凍、好凍、好凍！」問到為何到尼泊爾行山，他表示：「我有個朋友叫滕麗名，話尼泊爾行山好靚，咪聽佢講試下佢，係幾特別、幾得意的過程。我想去啲旅行唔係淨係行街、購物、食嘢，所以我去法國、尼泊爾行山，但我唔係專業，不過喺能力範圍內，都行得幾高架嘞。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
