前港姐冠軍陳庭欣（Toby）去年與10億前男友楊振源（Benny）結束8年情，之後曾一度傳出撻着27歲無綫上位鮮肉曾錦燊（Charles），雖然陳庭欣曾表示二人只係朋友，但曾錦燊似乎已經融入女神朋友圈子，連陳庭欣生日大合照都企「主人家」位置。
今日（27日）39歲正日生日嘅陳庭欣，晒出尋日同13位好友一齊盛大慶生嘅合照，出席嘅圈中好友包括：譚嘉儀、鄧凱文、王汛文、朱文慧、周子馨、周志康、謝東閔等，不過於大合照中，就只有主角陳庭欣同好友譚嘉儀、謝東閔及新加入女神朋友圈子嘅曾錦燊，似足「主人家」咁。
其中早於陳庭欣生日前兩日，佢已晒出同曾錦燊兩個「撐枱腳」探店片，當中陳庭欣開心翹實曾錦燊手臂，親密舉動令人有所聯想，網友亦大讚二人夠晒襯，互動青春又活潑。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
