星媽高興亮相撐兒子
星爺母親凌寶兒與胞姊周文姬亦有驚喜現身撐場。星媽當晚心情極佳，面對現場觀眾的掌聲致謝，她大方應傳媒要求不停揮手微笑拍照，態度十分親切。
胞姊代席星爺埋單
今年是《少林足球》26周年，早前一眾師兄弟於飯局聚頭。林子聰受訪時表示：「大家齊齊整整幾開心，已經約咗幾個月。」不過唯獨星爺缺席，林子聰透露當時星爺正忙於錄影工作。被問到會否再相約食飯，林子聰笑指只要星爺號召便可隨時成事，但目前對方依然忙碌。
據聞飯局當日星爺胞姊亦有代表出席，林子聰直認此事，並大讚星爺闊綽：「係呀，雖然周生冇去，但張單係佢埋。佢都好少講呢啲，但我同親佢食飯咁耐，都未試過要自己埋單。」
檔期所限缺廣東話版
針對香港觀眾最關注的「無廣東話版本」問題，星爺與林子聰親自解畫，坦言因香港上映檔期臨時調整，製作時間緊迫而未能趕及配音。林子聰補充指：「今次真係逼於無奈，因為突然之間就要上，我哋連宣傳片同調色都未做完，但四日後就要發咗先，之後再一日一日做返好。」他更憶述當年《少林足球》上映時，同樣因為趕工，需要親自拿著電影拷貝乘的士到戲院「供片」。
留空椅悼念吳孟達 默哀方式向謝賢致敬
此外，電影結尾的觀眾席上特意留下一張空椅，外界盛傳是向「黃金右腳」吳孟達致敬。林子聰形容這是一個「呼應」，並表示態度開放：「大家想覺得係點都OK，係Open嘅。」他透露這個致敬橋段有不少人參與構思，甚至出現過數十個版本：「嗰陣時係諗，無論點，始終都唔齊人，所以就諗不如開放啲，用一個背脊，留番畀大家諗」
至於戲中另一經典人物、飾演魔鬼隊班主「強雄」的謝賢（四哥），團隊在謝票期間接獲其離世噩耗。眾人為此深感哀痛，並特意暫停了一日宣傳活動，以默哀方式向四哥作最後致敬。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
