「樂壇風紀」甄妮貴為70年代華語歌后，但近年看透娛圈是非，日前於社交網暗示歸隱台灣桃園逾萬呎「西土瓦農場」，與花草動植物為伴，樂得逍遙。而現年39歲嘅女兒甄家平（Melody）亦遺傳其音樂天賦，現於美國擔任國際巨星的演唱會幕後製作人，同樣猛料。
甄妮性格不平則鳴、耿直敢言，多年來被封為「樂壇風紀」，雖然淡出幕前多年，現長居台灣，但依舊非常關心娛樂圈與社會時事。甄妮日前分享近況，上載親自駕駛剪草車影片，並有感而發地寫道：「太多的是是非非，太多的胡說八道，太多的造謠生事，太多的妒嫉陷害，剃剃草、餵餵雞、種種花、喝杯好咖啡、看看戲、哼哼曲、看看書，樣樣正能量，我行你也行。」透露出佢已看透娛樂圈紛擾，選擇遠離複雜人事。
甄妮近年深居簡出，目前於台灣桃園市龍潭區嘅自家農場享受平淡農村生活。其實早於十幾年前，甄妮已斥資買落佔地逾萬坪土地，並將「甄」字拆開，命名為「西土瓦農場」。甄妮曾表示當年選擇歸隱田園，係因為佢最渴望過不化妝、不梳頭嘅平淡日子，大讚動植物世界純粹：「起碼佢哋唔會有害人之心，唔使怕被誤解，亦都唔使怕佢哋聽咗唔開心。」
甄妮過悠閒農莊生活，而佢愛女甄家平（Melody）對音樂充滿熱誠，選擇投身幕後，目前居於美國擔任演唱會製作人。佢就先後為母親演唱會擔任監製，更憑藉自身實力於國際樂壇闖出一片天，曾參與荷里活歌手Demi Lovato、Carrie Underwood等國際紅星嘅演唱會導演工作，於國際樂壇幕後極具影響力，同媽咪一樣咁猛料。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
