藝人陳凱琳與陳嘉寶今日（4日）為全新飲食節目《人妻私房料理》進行錄影，問老公鄭嘉穎及三位仔仔對她的廚藝評價？她笑謂：「頭先主持人問我會唔會用廚藝去維持婚姻？我話唔入廚房就會維繫到，哈哈！因為我自己煮嘢真係唔係好叻，但當然嚟緊老公生日，如果可以親手煮嘢食係幾窩心嘅。」不過他透露老公生日當天自己要到成都工作，指老公並非需要儀式感的人，表示提前在家吃飯便可以。
提到日前有網民於社交平台公審陳凱琳，指她帶3位小朋友入戲院欣賞電影時，小朋友不時喧嘩大叫，但陳凱琳卻對此完全不予理會，被網民指摘她教子無方，亦有指當時有觀眾將Cream淋到她兒子頭上，陳凱琳坦言作為母親，對小朋友的行為需要負責：「可能我哋平日同小朋友嘅一啲習慣我哋都未必會好留意，喺公眾場合可能聲調會對別人嚟講都係一個噪音，尤其是睇戲，有時小朋友好興奮會有啲反應，如果喺呢個位騷擾到別人，我真係要Say sorry！」
她坦言在父母眼中這也是正常反應，但不能否定別人的觀感，澄清當時並未有人跟她作出投訴，又承認確實發生了「淋Cream事件」，指二仔被淋到後受驚，事後已到執法部門備案，因此未能透露太多案情，她認為小朋友未必能理解發生了甚麼事情，要給予小朋友知道媽媽會盡力保護他。據了解，陳凱琳事後報宋求助，案件列作「普通襲擊」，正追緝一名中國籍女子。
陳凱琳指當時有現場觀眾目睹事發經過，並即時對她伸出援手遞上紙巾，十分感謝大家的幫忙。她指事後跟老公也有對小朋友作出安撫，讓小朋友明白父母作為公眾人物，很多事情難免會被人放大：「首先我哋都要去接受、我哋都有自己責任，都要畀佢哋明白有時喺公眾場合，可能少少興奮或者情緒會令到人哋有嘅誤會，其實我哋就要再警惕啲。」她指事件讓他們學習到任何時候也要顧及別人感受，感恩小朋友也明白，更對她表示會更乖更留意：「希望大家都對小朋友善良少少，唔好畀咁大壓力佢哋，因為佢哋爹哋媽咪已經係我哋，其實佢哋已經好有壓力。」她指小朋友學校的其他家長很好，並未因他們的身份而有特別的睇法。
陳凱琳坦言6歲的二仔即將升小學，不想再讓他增加負擔，指事件的確讓她感到不開心：「作為媽媽我都有一下覺得我係咪可以更好去保護自己小朋友。」指二仔在學校一直也很努力去做好自己本分，對二仔今次的遭遇讓她更心痛，但認為做人不應被事件令自己停下甚至逃避，要以正面心態去面對。
陳嘉寶現場烹調「番茄牛肋條」和「椰青大蜆」，笑言都是一些方便懶媽媽的菜式。育有3位女兒的她，表示早前趁暑假給女兒去度假營放電，笑指女兒都遺傳了爸爸的活躍基因，家中經常出現「3個女人一個墟」，故此要諗計去消耗她們的精力，透露老公會帶她們去滑水，大女更每星期到游泳班練水，每次會游二千米。
問到有否留意陳凱琳近日被批帶仔仔到戲院看電影時，未有制止小朋友喧嘩及被淋忌廉一事？她表示未有深入看報道，自己也常有帶女兒去看電影，笑言自己有一套技巧，她説：「細個嗰陣佢哋可能怕黑，會買最後一排座位，有咩事即時掩住佢哋個嘴，依家就會買定爆谷同三份食物盒。」她指日前自己去剪頭髮，老公負責帶3個女兒到戲院欣賞外國卡通片，事後女兒指看得最開心的是爸爸。談到作為公眾人物容易成為焦點，她指自己自小入行已習慣面對，坦言也沒辦法只好盡力教盡量做：「不過都唔想小朋友年紀細細就要面對外界嘅說話同目光，所以知道要出鏡會幫佢哋戴太陽眼鏡同遮樣，盡量畀佢哋愉快生活。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
