今年樂壇女新人角力賽，以女團COLLAR成員Ivy So及Candy被指「贏在起跑線」，然而兩間唱片公司最近力谷姊妹花「挑機」，當中華納的「破格」新人Kacey於上月出道，憑「實力派的樣貌，偶像派的聲線」成功一鳴「驚」人，外貌、造型及唱功被網民批全錯，更傳出她登場跟「歌神之女」陳康堤有關。
2026年過了一半，本年度樂壇新人走勢中，男新人以MIRROR成員Edan室友、香港男子花劍運動蔡俊彥（Ryan）最一枝獨秀；至於女新人競爭較為激烈，論樣貌及知名度，入行4年半，今年作單飛發展的COLLAR成員蘇雅琳（Ivy So）及王家晴（Candy）暫時遠遠拋離其他對手，更被網民視為「自己友打自己友」之爭。
其中Ivy推出過參與填詞、曾在「903專業推介」中位居達第3位的《給你一隻大口仔》及邀Ryan任MV男主角，第二首填詞熱爆歌《原地拖手》，加上最近孖MIRROR人氣王Anson Lo正拍攝港版韓劇《金秘書為何那樣》，相信劇集播出時，人氣更上一層樓。Candy同樣推出《直白》及《燈神》兩首歌，《直白》曾在「903專業推介」中居第6位，還跟隊員Ivy及Day推出相集進軍書展，亦有擔任綜藝主持，實力不容忽視。雖然兩位靚女人氣高企，但昨日主辦方宣布COLLAR與泰國女團4EVE合作於9月12日在澳門舉行的演唱會，因「不可抗力因素」為由宣布取消，令粉絲大表失望。
Ivy與隊友Candy拍住上，在新人獎的賽道上成「人生勝利組」，然而在馬來西亞長大，就讀國際學校的親姊妹陳凱琪（Kacey）及Kaelyn中場插入，其中加盟華納的家姐Kacey於上月14日舉行新歌試聽會，首唱新廣東歌《完全真空》，雖然有唱片公司鼎力加持，可惜在網上依然劣評如潮，除指唱Live走音外，更出現口齒不清，網友封她為「譚仔姐姐」，留言：「求字幕、聽唔明」、「點解唔識好啲廣東話先出廣東歌呀」及「喃嘸唱腔喎！」連她的外貌亦成網民討論焦點，直指對其「蠟筆小新一字眉」有親切感，似「真人版花木蘭」Feel，亦有網民戥她慘：「係咪得罪化妝師呀」、「好似連造型師都得罪埋喎，做乜掛個垃圾袋係隻腳度」，總之由頭踩到落腳，稱華納完全是「顛覆歌手的認知」：「鍾意唔睇樣，呃流量。」不過，當中亦有善意留言：「好多人討論！就愈多人留意佢係邊個，唱英文歌有Feel。」同時網民「佩服」由ViuTV跳槽華納任高層的魯庭暉「識玩」：「特登推佢出嚟，轉移話題，費事啲人講Constance（陳奕迅女兒陳康堤）。」
另外，未知環球是否因華納「炒車」前車可鑑，因此宣傳Kaelyn推出首支主打歌《Up&Down》的手法明顯較保守，除未提及和Kacey的親姊妹關係外，連中文名亦保持神秘，亦暫未見舉行新歌試聽或記者會，只透過社交網爭取曝光，不過新歌上架網上影視平台至昨日為止，留言功能被關閉，故未知外界反應。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
