否認「恩恩」藉梅姐名義搵食 不欲多回應元配指控盼梅媽安心上路
《01娛樂》就Joey指控聯絡梅啟明，問到是否未與Joey離婚，他表示：「第一，呢一刻我唔會講任何嘢，因為老人家我希望佢平平安安咁上路。」他直認昨日現身醫院的女友人是「恩恩」，不過就否認對方藉梅姐名義搵食：「佢冇攞阿梅個名去搵食，佢以前係阿媽嘅助手，呢啲冚嘭唥歪曲晒，你明唔明？我唔想回應咁多，佢而家乜都噏得出，又話我攞咗10幾萬咁咁咁，我而家唔方便講咁多嘢，根本係黐線！」
無懼Joey靈堂對質 強調不會趕人：任何仇家、乜家我都歡迎
談到Joey回港後去靈堂找梅啟明與May May對質，他則說：「冇問題冇問題，去邊度對質都冇問題。」喪禮屬於嚴肅場合，假如有任何爭吵事件發生，會否擔心梅媽走得不安樂？梅啟明表示：「你都識講嚴肅，第一，我會叫佢『唔該你行開，唔好喺呢度搞，有咩行出去講， OK？』呢個場面有咩好搞？冇咩好搞，呢啲嘢要嚟安安靜靜，任何仇家、乜家我都歡迎，我唔會趕人，逼人。（驚唔驚梅媽走得唔安樂呀？）你要問佢老人家自己喇。」此外，他又指不擔心有人大鬧靈堂，認為發生機會微：「應該唔會有呢樣嘢發生，喺我角度嚟講，如果大鬧喪禮，應該就係鬧我啫，我都唔鬧，冇人可以做到呢樣嘢出嚟。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
