東張主持梁敏巧訪問了一位名為阿May的前員工。阿May曾於數年前在「OPATRA London」擔任銷售員，她坦言：「佢哋唔係為咗想服務啲客，而係想要攞佢哋啲cash。」因為每天背負著數十萬的業績壓力，銷售員會採用各種方法向顧客推銷：「對每個客都chur到最盡。」公司有一套固定的銷售策略，以誘導顧客消費為目的。首先，本地銷售員會以贈送樣品吸引客人進店，若覺察到顧客有消費潛力，就會安排外籍經理出場並報稱將給予特別折扣，此時本地銷售員會假裝懷疑：「你真係畀呢個折扣個客？」讓顧客誤以為佔了便宜，於是購物。
最勁嘅sales成30萬一個月人工
阿May表示：「甚至乎有一次有個婆婆，佢哋會碌佢60萬卡數。佣金高嘅，有成30%，有啲係講做幾年就可以買樓。同有啲最勁嘅sales係可以成30萬一個月人工，好似10-30萬係好似好正常。」阿May因不願同流合污選擇辭職。
節目組派出同事扮夫妻前往元朗分店放蛇
本月13日，節目組派出一對假扮夫妻的同事前往元朗分店放蛇。他們迅速被外籍銷售員的花言巧語攻擊：「wow! Amazing!」更大讚她皮膚好，之後就拉他們進店，推銷近萬元的護膚品。阿May表示一切都只是按照劇本走：「佢每個客都用同一個劇本去做一場戲，就係個經理會扮打電話畀總公司，話等總公司打落去畀個好優惠價錢畀客人。」之後就會向顧客表示已經獲得最優惠價錢，在這個時候，第二名的演員就會出現，向經理說：「吓，真係㗎？你真係會有呢個offer畀個客？」讓顧客相信只需7千多元就能獲得價值1.4萬的商品。
期間經理以英語誇獎顧客的銀包好看，試圖降低其警惕性並吸引他們使用信用卡付款。阿May補充，「OPATRA London」還會設計店舖裝修以利誘顧客，並指示員工將客人引至店內深處，用兩名員工伺機在身後擋住出口，使顧客在無退路情況下消費。儘管「OPATRA London」在香港的分店暫時停業，但節目組發現，其他美容用品公司也使用類似手法進行銷售，節目組甚至疑與這些公司職員發生衝突。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
