「聲夢小公主」姚焯菲形象純過蒸餾水，但突然變「殺蟲水」，直認「藐爆」鍾柔美，更不諱言是自然反應：「我忍咗佢哋好耐！」又指跟「豬隊友」一齊，智商也會降低。對於佔地利的詹天文被指獲無綫力捧成為其最強對手，Chantel未驚過，更自信表示望5年內踏上紅館舞台，19歲的她已有「小天后」氣場。
姚焯菲（Chantel）雖在無綫歌唱比賽《聲夢傳奇》中不敵炎明熹（Gigi），只得亞軍，但跟已離開無綫的Gigi，以及同屆的鍾柔美（Yumi）和詹天文（Windy）相比，她在「聲夢小花」中算屬星途最順，負評最少的一員，不過亦難逃一劫，之前爆出當眾藐爆Yumi的是非。本月底將於麥花臣舉行首個個唱《姚焯菲Chantel想飛Live Concert2026》的她接受東網專訪，敢做敢認直指「藐」Yumi有理。
Chantel還原當日真相，稱當時Windy和Yumi先後講笑話，但Yumi的爛Gag實在令人「聽到尷尬」，她才真情流露，她說：「係自然反應，意思叫佢唔好再講嘢，但唔係不和嗰種嫌棄，都係朋友之間嘅玩，所以我都要注意表情管理，都覺得有啲衰。」有指Yumi似乎更需要加強表情管理，Chantel即護友說：「我先係最差，否則唔會畀人影到，但我哋唔會因為有Cam而特登擺個樣出嚟。」
Chantel又自爆跟Windy及Yumi共處時，智商會慢慢降低，即時齊變「豬隊友」，她笑說：「佢哋講嘢真係太Kam（難頂的意思），（令你好難受？）由出世忍到依家，忍咗佢哋20年，不過我都有甩漏，成日漏嘢，要麻煩Windy幫我執手尾。」3女在吵吵鬧鬧中成長，但互相扶持。提及有傳為幫Yumi爭取曝光，Chantel邀請當時惡評如潮的她出席其歌迷聚會，Chantel澄清歌迷聚會沒有嘉賓出席，曾擔心傳聞會影響Yumi而向她致歉，又讚對方是「義氣仔女」，她直認：「朋友幫到就幫啦，因為好多人都幫過我，好似前輩、家人、粉絲都好錫我。」
自信5年內開紅館騷
對於有指她因離港升學，造就了較多時間留港的Windy有上位機會？Chantel認同Windy在地利上有優勢，但她反覺有危就有機：「我一飛走，反而令粉絲對我有期待，之前去過新西蘭讀書，感恩粉絲冇捨棄我，我會努力去Keep人氣。」況且她覺得不足兩年就可學成歸來，屆時必全力歌、視雙線出擊，望可向紅館進發，她期待謂：「每個歌手都想嘅，不過要讀完書先，可能5年內。（想做小天后？）當然係其中一個目標，我依家19歲啫，可以慢慢嚟，以前拍戲想做打女，但依然想趁年輕試吓愛情片，唔抗拒拍錫錫戲，但男主角要少少靚仔。」問到處境劇《愛．回家之開心速遞》的「表哥」周嘉洛是否理想人選？她即抗拒表示：「唔係咁好，佢係劇入面嘅屋企人，啲觀眾會覺得奇怪㗎！」
問到月底開騷當晚，撞正Gigi跟衛蘭舉行《拉闊音樂》騷，可擔心被搶客源？Chantel認為兩者可共存：「咁一人一半啦，或者睇完佢個騷，再嚟睇我個騷，其實粉絲支持邊個都冇乜問題，我請晒《聲夢》嘅歌手嚟，但有啲就唔得閒。」Chantel更直認有邀約緋聞男友李立仁（李克勤兒子），深知對方行蹤的她表示：「佢到時都會喺香港，或者搵佢度橋，因為佢好多橋。」
場地：富衛1881公館
本文作轉載及備份之用 來源 source: http://hk.on.cc
|
鍾意就快D Share啦！
|
|
|
