藝人郭珮文在無綫戀綜節目《女神配對計劃2》獲前度跨越半個地球來港求復合，令她感動得淚流滿臉，但「劇情」引起不少網民回響，甚至有人質疑恍如甜寵劇，對其他「求愛勇者」不公平。其前度瞬間被起底，發現他分手後曾找來「翻版郭珮文」合作，艷福無邊！
無綫「咪神」郭珮文（Juliana）、何沛珈、陳若思、阮嘉敏及俞可程5位女神參加的《女神配對計劃2》，前晚播出感動一幕，瞬間引起熱議。早於節目相關花絮播出時，已發現其中一位女神的前男友現身求復合，當外界猜測極有可能是何沛珈前男友阮浩棕時，最終謎底揭曉，原來男方是Juliana前度、現年35歲在美國修讀心理學及法律的前度俞鋆瑞（Ice）。揭開布幕前Ice聲線先響起，Juliana感覺熟悉，及後見到Ice即表現激動，透露雙方分手前拍拖3、4年，因不敵遠距離戀愛才忍痛斬情絲，望彼此想清楚日後要走的路。
「點會有人咁黐線㗎？」
對於Ice由美國追來香港，Juliana坦言：「我個腦短路，有好唔真實嘅感覺。我哋分咗手9個月，點會有人咁黐線㗎？突然飛半個地球過嚟！我真係有好多情緒，唔知點去描述，又有感動、又有開心、又有難過、又有委屈，即係覺得搞錯呀，我哋分開咗，我咁難得放低咗你，你做咩返嚟搵我？但其實我係開心嘅，因為曾經我係當佢屋企人去愛佢。」Ice則深情表白：「我單身9至10個月，今次為咗一個人嚟，同你分手後，我一直都好想念你，其實我一直好想同你繼續完成我哋未完嘅故事。同你分手，可能係我人生經歷過最心碎嘅事！」Juliana聞言淚流滿臉，其他女神亦被感動，而在場閨密鄧凱文更爆料，指Juliana曾視Ice為結婚對象，甚至想過放棄香港的事業返美與他一起生活。
Ice又表示：「只要你願意，其實所有嘢都冇變過，無論最後結果點都好，我會對你展現百分百真心。我哋火花好好，而且相信我哋仲有愛。」為了復合，他更不排除日後與Juliana留守同一地方的可能性。原來他當初展開追求時，曾為Juliana作歌並取名《Juliana》，浪漫舉動卻遭女方「嫌棄」﹕「我發現佢作嘅其他歌仲好聽。佢送過3隻貓畀我，分手後就變咗單親家庭！」Ice還花了點心思，帶了Juliana最愛的「西貢菠蘿油」現身：「第一次嚟香港，我好想食好食嘅菠蘿包，Juliana帶我去咗西貢餅店食。我發現今次拍攝就喺西貢，所以覺得必須買畀佢食。」Juliana回應：「有啲心靈相通，好神奇嘅感覺，其實我今日都超想食呢個菠蘿油。」
Juliana與Ice這段「重逢」雖然令人感動，但事後網民提出不少質疑，認為兩人是在演戲！事關如此情深的Ice被翻出分手未幾，即找來現年22歲的「胸狠」芝加哥網紅Nikki Nami擔任其新歌《girl, i like you》MV女主角，MV內大騷驕人身材，兩人貼身火辣共舞，視覺衝擊震撼，而Ice全程表現自如。至於Juliana入行後聲稱單身，但原來發展過這麼一段地下情，給人「擘大眼講大話」之感，Ice出現，對其他「求愛勇者」似乎亦有欠公平。
其實早於Ice登場前，Juliana對另一位參賽者伍頌曦（Preston）亦表現得另眼相看。報稱做KOL及市場營銷的Preston專長是烹飪，擅長煮卡邦尼意粉、味噌燒銀鱈魚及煎牛扒，正好符合Juliana的口味，他更表明「可以為愛移居香港」，成功擊中靚女的「死穴」，難怪她很快便表示對Preston有好感：「我哋都有幾多共通點，都喺L.A住過，亦試過因為Long D而分開。」此時鄧凱文亦表示：「我未見過Juliana笑得咁開心！」倘若不是突然殺出Ice，Preston絕對有機會抱得美人歸，而Juliana夾在兩男中間，目前處境相當尷尬。
「A0劉在石」睇中何沛珈禮金任開價
節目中不少求愛勇者都成為網民熱話，當中關經翰（Oswald）憑着41吋胸肌及成功人士外表引起關注，不過面試時他曾自爆有一夜情（One Night Stand）經驗，當中陳若思極度反感：「我覺得係觀念問題，有一次就會有好多次！」而阮嘉敏坦言很關注衞生與安全問題，俞可程亦坦言會扣分，頓時打入冷宮一樣。不過，何沛珈的閨密游嘉欣則有不同看法，她致電何沛珈教路：「我覺得你揀咗先！雖然佢One Night Stand，但我覺得佢個人都成熟穩重，不妨了解一下。」
至於自稱是「A0」（未拍過拖）及似韓星「劉在石」的34歲林福明有事業及財力，直言看中何沛珈，更揚言：「我會好錫佢、乜都就晒佢。」當主持林盛斌（Bob）問他結婚禮金數目時，他霸氣表示：「你話幾多咪幾多。」純真性格震撼全場，Bob事後都於社交平台回應他：「我係非常欣賞你、好鍾意你，我都好希望我3個女日後帶個男朋友或者老公返嚟，係你呢一隻。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
