歌手何雁詩出道以來，曾不敵深重壓力而患上情緒病，近日因送患「天使綜合症」的囝囝到加拿大居住，再度成為網上箭靶被轟她有「棄子」之嫌，而日前她接受專訪時，發現其手臂滿布瘀痕，令人擔心她有自殘傾向，不過她表示：「放心，全部都係煮嘢食時，唔小心整親啫，（要愛惜自己呀）唔使驚，我大個女。」
談及其今年第二首派台歌，身兼主唱、作曲及監製3職，被問到可會嘗試作詞，她謙說：「中文詞就唔好啦，因為我啲中文唔係好得，今次首歌係想用車嚟代表自己，因為呢款車喺軍用車，寓意『出得嚟行，無論遇到乜嘢都要頂得順』嘅意思，我啲朋友話首歌好似我性格，出面嘅反應都幾好，或者年尾、明年頭會再多一首新歌推出。」
問到可會跟歌手老公鄭俊弘（Fred）合作推出歌曲，她耍手擰頭，覺得和Fred在音樂上難合作：「風格都唔同，已經係夫婦關係，如果再多埋工作關係，我覺得唔太着數，所以未諗過叫Fred同我簽埋一間唱片公司，況且以前喺無綫都試過同一間唱片公司啦。」
至於可考慮為4歲囝囝度身創作歌曲？她同樣抗拒，覺得為作而作太「夾硬」：「我唔係咁鍾意，之前大肚時，寫過首填上英文詞嘅歌叫《Tiger In You》畀BB，出街時又改咗變中文詞，變咗寫畀另一半，依家唔諗住再寫畀囝囝，因為佢唔會聽得明，或者等佢大啲會聽得明時再作打算啦。」另外，阿詩為新歌宣傳，在社交網上載新相，分享工作日程，當中有她一頭件泳衣照，33歲的她身材依然一流。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
