歌手何雁詩毅然將患「天使綜合症」的4歲兒子移居溫哥華，網上即惹來「棄養」指控，但實情背後大有洋葱。過去她曾為囝囝經歷冷暴力，展望未來日子更難行，已準備好付出沉重代價；至於跟老公鄭俊弘長期「分居」隨時有婚姻危機，她豁達以「合作關係」來形容二人的夫妻關係。
33歲的何雁詩自患「天使綜合症」的兒子鄭讚廷（Asher）出世後，由幸福人妻變作「非常媽媽」，為照顧至今仍未能踏出第一步的4歲兒子，身心長期受壓，年初時，將囝囝送往老公鄭俊弘（Fred）老家溫哥華長居後，再惹來「棄養」的網上抨擊。對於被標籤為「狠心媽媽」，日前阿詩接受東網專訪，剖白送走Asher的唯一原因，她說：「我想畀最好嘅成長環境佢，對於特殊兒童嚟講，嗰邊啲Support同容忍度會大啲，始終地方大啲，周圍都有大嘅兒童公園，唔使同人爭，行路都阻唔到人，大家嘅壓力都少啲，心情會輕鬆啲。」
問到可遇過類似「陳凱琳帶兒子睇戲事件」？她分享和老公及Asher在戲院中試過被人「眼望望」，雖然和Fred已刻意揀最少人及坐角落位的影院睇動畫片，兼且做足囝囝隨時失控的準備，可惜仍無補於事，曾被兒子「兜巴星」的她憶述：「囝囝唔似我哋正常人，佢啲動作係好突然，當預測到佢會有大動作前，盡量箍住佢啲手腳，不過都Feel到隔籬啲眼神會覺得我個仔『做咩咁癲嘅』，臨走時我都講唔好意思，講佢知我個仔係特殊兒童。另一次，個仔喺影院需要好靜嘅環境時突然大笑，我都叫佢靜少少。」由於她不想騷擾他人，至今囝囝入場睇戲僅2至3次。
曾受到「冷暴力」
阿詩強調類似事件，不僅在香港發生，記得有次一家三口在溫哥華睇世界盃，因囝囝對水特別好奇，曾將坐在身後球迷放在櫈上的啤酒一手拎起再揈落地，當時她即場道歉及表明願賠償，但仍受到「冷暴力」，她憶述：「因為唔想囝囝再掂到，就將執番罐啤酒放落地，個球迷就話我：『罐啤酒唔可以擺喺嗰度咩？』我解釋個仔控制唔到自己，唔想再整瀉佢罐啤酒先咁做，自從囝囝出世後，我同人講得最多係『唔好意思』，所以我唔敢帶囝囝去玩獨木舟，因為唔畀佢落水就爆喊。」問到被惡言相向，囝囝可感委屈？她笑言囝囝不懂事，所以沒有不開心，但她卻相當難受，會常自責做得未夠好，預計同類事陸續有來，所以要學懂調節心理質素，而她肆力宣傳特殊兒童及其家長的生活難題，亦是望外界對特殊家庭多給予同理心。
長期「分居」唔驚婚變
問到Asher在溫哥華的最新狀況？她透露囝囝已入讀有專屬照顧特殊兒童導師的正統學校，有Fred媽咪及親戚幫手照顧，目前他仍需要人抱及坐BB車代步：「扶住佢胳肋底，『頂籠』行到一步。（佢再大個啲點算？）要健身，同Fred練大隻啲。」可打算和Fred正式移民？她明確說：「我唔得，溫哥華咁慢嘅生活節奏唔啱我，唔會放棄香港市場，只係工作模式會變，要夾期，囝囝一日都唔可以冇父母喺身邊，我哋會輪更留喺嗰邊，有工作先飛走，我呢半年飛咗2、3次溫哥華，預計1年大約有2至3個月喺嗰邊，其餘時間由Fred陪，我諗可能1個月只見到Fred幾日。」又謂在過去9個月，曾因要飛往溫哥華湊仔而錯失工作機會，令心情跌落谷底，她明言：「唔係錢嘅問題，我接唔到個工作，覺得好自己唔專業，好在個客肯搵Fred頂替，感激經理人公司好配合我，唔會講難聽嘅說話。」
對於夫妻變相長期「分居」可擔心婚變？她不諱言：「其實有咗小朋友後，大家Focus都全放咗喺個仔身上，都冇諗點樣維繫關係，我哋依家係Team Asher嘅合作關係，一切以小朋友行先，佢都信得過嘅，其實佢有仔就萬事足，我對婚姻都有信心。」已展開港、加兩邊走「空中飛人」生活的她，為愛兒着想願意付出雙倍金錢、體力、精神的代價，她直認：「機票都貴㗎，我哋租屋住先，置業就太大投資，做人父母一定攰，都知個仔愈嚟愈大，嚟緊嘅日子更難行，但佢令我人生多咗好多色彩。」
場地提供：Season Camping
本文作轉載及備份之用 來源 source: http://hk.on.cc
|
鍾意就快D Share啦！
|
|
|
