大王論叉燒禍從口出 惹火言論全場爆笑
當大王被要求評價「黯然銷魂叉燒飯」時，他口若懸河地大談秘訣，更爆出惹火言論：「紮得佢夠實，實完之後會鬆，鬆完之後又會軟」，引來全場大笑。家燕姐順勢接話指叉燒要「半肥瘦」，大王即附和稱沒有脂肪不好吃，太肥又會覺得膩，大約三成肥肉最為理想。
此時家燕姐大發幽默本色，笑稱自己正是「半肥瘦」，更打趣道：「睇住我嚟食，咁就銷魂喇。」怎料大王一時口快，竟衝口而出爆了一句：「咁就嘔」此話一出，全場瞬間陷入一片靜默，坐後排的廚師們忍笑，尷尬極場面。大王自知失言，連忙補救狂喊「唔係唔係」，卻被家燕姐煞有介事地指住。眼見場面尷尬，家燕姐展現大將之風，極速轉移視線指住台上大嗌「陳豪搵你啊」作解圍，龔嘉欣亦打圓場提議加張櫈。自知闖禍的大王連隨急急腳閃人，慘被陳豪寸爆：「踩完場就走！」
三太派月餅撐愛兒 風少搶對白狂耍冧
除了大王亂入，當日錄影廠還有另一位驚喜嘉賓。「三太」樊奕敏特意帶着月餅前來探班，以行動力撐在《愛·回家》中的愛兒「風少」陳浚霆。雖然陳浚霆暫別劇組，但轉戰綜藝做主持同樣表現亮眼，更獲得前輩家燕姐的公開「點名」。家燕姐受訪時搞笑控訴：「佢幾好嘢喎，搶晒我啲對白嚟講，呢個係後起之秀！」面對前輩的幽默「力捧」，陳浚霆嚇得狂標冷汗，急忙瘋狂彎身鞠躬，連聲自貶「奴才對唔住」，場面惹笑。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
