藝人張致恒（Steven）與太太區燕雯（雯雯）婚後育有四子，一家六口長期陷入財政危機。近日張致恒接受網上節目訪問，談到二仔張天牧確診自閉症及過度活躍症的心路歷程。不過家庭生活仍風波不斷，雯雯連日來在社交平台頻頻「放負」，貼出「好攰」、「面對現實，4個分開，先係負責任」等字句，近日更大表家中接連遇上停電，及三個小朋友相繼發燒，面臨「一個月一次Cut電、一年一次搬屋」的絕境。雯雯的絕望控訴，跟張致恒於訪問中談及的負責任態度，形成了極大反差。
談到二仔的病情，張致恒在訪問中難掩心酸，他透露兒子的情緒容易急躁，曾經在睡夢中將手伸進尿片將大便抹滿整幅牆，甚至會有撞頭、咬自己等自我傷害行為，因此張致恒坦言每次帶兒子出門都非常緊張，深怕影響別人。為了維持家計，張致恒除了在物流公司擔任搬運工人外，亦積極尋求娛樂圈的商演機會，但面對網民勸他「正正經經打份工、勿再發明星夢」的言論，他直言自己已非當年不計後果的大男孩：「生咗小朋友出來，你就一定要負責，真係好累，近呢三四年白髮都吐晒出嚟！但被別人講兩句又不會死，最緊要可以賺多些錢保障屋企。」
訪問中最令人動容的是，張致恒談及對兒子的期盼時多次流淚哽咽，心痛表示最擔心自己有一日離世後兒子無法生存：「我係一個好眼淺嘅人，一講到重點我就想喊，好怕佢不懂得照顧自己，怕人哋去排擠佢。好希望我死之前，可以見到佢有一個正常嘅生活，識得自己去廁所、食飯、自理。」張致恒又坦言：「自從知道佢有呢個病之後，我整個人就會喺度諗，我其實係應該放棄更加多我自己本身嘅嘢去輔助佢成長。」
張致恒的這番言論與行動，意外打動到網民並表示：「係元朗見過佢，係好爸爸，照顧小朋友親力親為」，另有網民留言稱讚與鼓勵：「張致恒真的成熟了，希望你和你的仔仔繼續一齊成長進步」、「真心希望Steven頭家愈來愈好。多啲商家搵你商演！養4個小朋友真心不易，加油！」。雖然雯雯的控訴暴露了家庭所面對的壓力與夫妻分歧，但張致恒為自閉兒子盡心盡力地的改變，獲得不少大眾的同情。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
