「校長」譚詠麟（阿倫）假紅館舉行共10場的《譚詠麟與您「刻骨銘心」世界巡迴演唱會-終極篇》昨晚舉行尾場。
演唱會中段，阿倫在唱出新歌《我在意》前，阿倫再次感謝歌迷説：「咁多年大家嘅一舉一動，我都放喺心入面，你哋嘅所作所為…太令我感動！」演唱會尾聲，阿倫最後送上一曲《講不出再見》，在唱到最尾的兩句副歌時，他終於忍不住眼淚，雙手合十感謝歌迷說：「我會永永遠遠記住呢刻！」阿倫隨着舞台的升降台徐徐下降離開舞台，10場終極篇紅館演唱會於晚上11時50分完美落幕。
阿倫完騷後換上一身運動裝現身後台，由周國豐主持一段訪問環節，大會亦預備了蛋糕為阿倫慶祝。周國豐問阿倫由出道至今，經歷了202場個人演唱會有甚麼最難忘感受？阿倫說：「多謝歌迷的灌溉！」他指為了今次演出，事前共排練多達200首歌，坦言出現了排練過度的感覺：「每朝10點已經完成5至11公里跑步，之後做啲個人練習，然後再去練歌同排舞，之前平均每日瞓4個鐘，綵排完返到屋企即刻變大覺瞓。（好多歌迷話10場買唔到飛！）仲有巡迴，有時間咪嚟睇，11月馬來西亞第一站。（巡迴返香港再開？）應該就唔會喇。」
阿倫受訪時談到他台上數度哽咽，笑言是被現場觀眾刻意弄喊他，睇到大家也請求他不要這麼快告別紅館舞台，他笑謂：「我求你唔好再求我！我都有自己諗法。（咁堅定？）我仲有百幾場巡迴演唱。（返到香港再Encore場？）到時再諗」提到告別紅館意即將來開啟德？他即瞪大眼笑指記者玩「捉字蝨」，又指自己沒有特別優待，和大家一樣申請場地都要入紙排隊，亦要考慮場地是否真的適合，但笑言歡迎任何人出資贊助他開演唱會。
阿倫透露巡唱原定以上海為首站，但因場地問題故改為到吉隆坡，問到門票是否一早售罄？他笑謂：「好似開賣已經賣晒！（巡唱會Keep住訓練？）會有規有矩，但呢幾日都可以放肆食一下。（好快會反彈？）3、4日就返嚟（依家最想食乜？）依家最想見多啲朋友，飲吓嘢！」他笑指會約朋友玩包括牌腳鍾鎮濤等玩啤牌，中秋節則會安排跟家人和朋友過，問到包括新抱？他笑指大家「又講呢個！」又表示希望演出能「後會有期」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
