追債街招指借錢為父籌醫藥費 胞妹憤怒澄清：食死貓
數月前有網民發現王氏公司附近有人貼上追討王賢誌債務的街招，指他「以老竇重病問好友借錢，又話三兄妹唔夠現金俾出院費」。對此，胞妹王賢德極度氣憤，斬釘截鐵澄清家人被「食死貓」：「根本無發生！父母入過醫院全部係自付醫藥費，我哋無需要借錢籌費用。哥哥一蚊都冇出過，佢借嘅錢亦從未花喺家人身上。」
欠款非300萬 胞妹：用「天文數字」嚟形容
對於傳聞300萬債務只是冰山一角，王賢德坦言：「其實我都等咗兩年，而家終於有人發現呢個問題。總之唔係而家傳媒所寫嗰個銀碼，除咗『無底深潭』，我會用『天文數字』嚟形容，一個正常家庭聽到呢個數字都會好震撼。」她又指王賢誌拍拍屁股遠赴加拿大，但家人卻活在惶恐中。月前曾有十多名大漢直接走上公司追債，她激動斥責哥哥自私：「佢拍拍屁股就走了去加拿大，『蘇州屎』就掉低晒俾我哋！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
