人妻揭禿頭漢偷拍，一名女乘客在旁聲援及港鐵職員接報趕至。
網上流傳一條港鐵車廂男子疑偷拍被「踢爆」的影片。片段開首見一名長髮披肩、穿背心、短褲的女乘客在車廂內，站在一名左手持手機，右手攜一個白色袋的禿頭漢身旁，期間一名戴眼鏡女子見狀上前聲援長髮女，長髮女問禿頭漢「Del呀！Del呀！Del咗佢呀！」，禿頭漢回應稱「我都冇影！」，長髮女質問對方「咁你跑乜鬼呀！」，男子答覆「你想點啫？」，長髮女指「你頭先推跌我呀嘛，你非禮我呀嗎，你唔肯Del嗎？咁得喇！」，此時禿頭漢疑心虛稱，「我Del咗嘛」，長髮女稱「喺！睇多次」，隨即從對方手上奪去手機查看，並邊看邊稱，「我報警你就死」，載眼鏡女子稱「睇埋垃圾桶先，Del呵！」，期間列車即將停站，禿頭漢奪回手機，並步近車門位置疑趁機落車，長髮女緊隨其後，並高呼「唔好諗住走呀！」，混亂中，聽到一把男聲高呼「唔好打呀！」，此時港鐵職員接場趕至，長髮女向職員稱「偷影呀！」，職員叫涉事男女落車。片段亦至此完結。
自稱女事主在網上留言稱：「大家唔使猜測啦，佢影咗我一次我由佢，因為我都費事出聲，點知條友繼續影，我只係同佢講唔該麻煩del咗張相，條友喺我面前有想del相，del緊時間突然跑走咗。啲鍵盤戰士呢講到我幾醜樣我都唔介意㗎，因為我做左人老母，我好勇敢，如果連基本非禮都要因為自己樣唔樣衰先去舉報嘅話，咁好多女士係咪唔可以出聲，最後呢我係冇追究到條友，但條友呢就係通緝人士，俾人捉返去警署。」。
另外，在場聲援長髮女的女子見網上有關事件的貼文，她亦留言稱：「我就係拎住綠色背囊嗰個女仔，我都係第一次遇到呢啲事，不過我見到佢想逃走，所以我都想攔住佢，呢啲人真係過分。」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
