以第4名完成《2026香港小姐競選》的盧蔚晴昨晚現身支持好友競逐環姐殊榮，當記者要求她跟伍允龍合照時，性格愛玩的盧蔚晴即扮撒嬌，抱怨對方在港姐賽決賽中未有選她當「最上鏡小姐」，場面搞笑。
盧蔚晴表示來支持（5）韓其格（Aurora），她透露跟對方於港姐海選時認識，可惜對方當時未能入圍，今次特意來給予對方支持，問到可有參賽貼士給好友？她説：「我覺得佢可以勝任到，應該唔需要我，都冇乜貼士可以畀佢，我哋性格唔一樣，佢比較含蓄啲，冇我咁黐線，哈哈！」提到她落選後於社交網拍片，聲淚俱下聲稱要爆選美黑幕，她笑指拍片純粹為搞笑：「其實冇黑幕，喊同認真都係扮，希望可能呃到你哋。（呃好多Like？）好多呀！（有冇畀人鬧呃Like？）有人話『搞錯呀！冇第二集嘅？」她笑言不會有第二集，因為根本沒有黑幕可爆。
談到她以第4名完成港姐競選，問到可會考慮簽約無綫？她坦言無綫仍未有人跟她接洽傾談合約，亦未有任何工作給她，但透露稍後或會為客戶拍攝廣告，表示除了繼續發展KOL事業，有機會也想向多方面嘗試，問到若無綫給予主持工作或拍劇可會有興趣一試？她表示對演戲很有興趣：「拍劇嘅話希望學咗先，我乜都唔識，都要向觀眾負責，主持方面可以嘗試！」她表示有意物色經理人為她安排工作，或會請胞姊當其經理人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
