與鄧麗欣合作先要減肥 謝安琪︰佢瘦到好似屏風咁
劇集將於農曆年後開鏡，今次最吸引Kay接拍是因為劇本好，故事會講她與Stephy兩個之間，由朋友變成針鋒相對的敵人。由於完整的劇本仍在不斷修改中，所以Kay只好為劇集作其他準備︰「我要減少少肥先，你睇阿欣瘦到好似屏風咁，我喺隔籬會佔咗三分之二個鏡頭。」為免擺埋去輸蝕，要開始積極減肥。提到醫美，自己都不抗拒，亦表示會趁拍劇前多多了解。
至於老公張繼聰與農夫的Talk Show《人夫集團》，身為老婆的都已經睇過幾晚，對於內容可有踩界？返到屋企需唔需要跪玻璃？「唔需要，劇本嚟嘅！」但完騷後，Kay都心癢癢想開返個人妻版，數番老公。「男人一班friend先有秘密，我哋女人坦蕩蕩，淨係得你講冇我講唔得，有啲嘢我都可以澄清返。」Kay說。
申請紅館10次均被拒 「或者會諗其他場地」
早前Kay有透露一直申請在紅館開演唱會，但前後申請10次均告失敗，自己坦言都感到失望，並開始有其他打算。「我都有啲氣餒，真係入咗好多次，屢敗屢試。我知唔係得我一個係咁，可能睇咩公司入紙，我自己label（獨立廠牌），佢哋覺得細公司無舉辦大型騷經驗，各類原因或者會諗其他場地，但心願當然係好想返紅館！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
