歌手鍾嘉欣宣布下年3月將開紅館騷，留言：「香港，我回家了。🥹❤️我一直夢想著這一刻，而今天，我終於可以說出來……✨ 三月，我將會在紅磡香港體育館舉行演唱會 ✨每一首歌、每一段回憶、每一位這些年來一直陪伴着我的你……這場演唱會，是為你而開。lovelovelove -L-」票價分$1080/680/$480。對於今次驚喜開騷，鍾嘉欣回覆東網道：「我其實係會喺12月嘅時候開個記者招待會嘅，所以到時我先會再講多啲啲資料畀大家知。多謝你哋嘅祝福，我都好期待，終於可以返屋企！可以演唱會」
鍾嘉欣續指自己去紅館演出都係自己夢想：「我知道我啲歌迷啊、啲觀眾啊、粉絲啊……都好想我有日開囉，咁其實我好掛住香港，咁所以今次可以遞紙入到呢，其實真係一件好開心、好感動嘅事，我只想好好享受，同大家回憶返以前我哋好開心嘅時候，同埋送一啲祝福同埋啲新歌。我一直都有作，作咗好多首，一直陪住自己嘅成長、陪伴大家咁，總共自己嘅創作都有成14、15首㗎啦，咁嚟緊會繼續作歌囉，咁最近就推出咗一首歌叫做《圓》，咁之後12月都會推出另外一首歌曲。」鍾嘉欣表示自己只係想盡情去享受當晚：「大家喺埋一齊嘅一個關係，同埋一段經歷，所以我會好好enjoy the show，同埋做一場好有心思嘅show，全新嘅！全新嘅rundown嚟嘅！」
而忙到冇時停嘅佢，尋日（20日）現身馬來西亞The Knights Award，獲得「The Multifaceted Entertainment Icon Of The Year(Hong Kong)」獎項，表彰佢入行逾二十年喺演藝與歌唱領域嘅多棲成就。嘉欣活動後接受訪問時表示：「好開心可以拎到呢個獎，好幸運有機會成為一位歌手、演員，我有今日成果都係靠昔日嘅經驗。我有8年冇嚟過馬來西亞喇，好似返屋企一樣，呢度都冇咩點變，嘢食都好好食。多謝大家。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
