無綫台慶劇《璀璨之城》的話題浪接浪，繼陳瀅的全裸色誘戲掀起全城熱話後，鮮有在幕前作性感演出的女神張曦雯亦有破格之舉，她預告將有一場7分鐘一鏡到底的羞辱戲，在鏡頭前寬衣解帶除剩內褲！她曾一度婉拒，但經影后袁詠議及視后江美儀合力游說，她以服務角色及劇情為前提下，決定接受挑戰。
《璀璨之城》正熱播中，不過劇情被批充斥復仇血腥及賣弄色情，由陳曉華與張智霖（Chilam）激戰到陳瀅全裸誘惑，均引來不少爭議，原來連花旦張曦雯（Kelly）也有大膽演出。Kelly在劇中飾演為求目的不擇手段的豪門少奶，向來演慣正氣角色的她今次罕有演反派，她完全不擔心影響形象，反而想去得更盡，並直呼好玩：「呢個角色真係好癲，永遠喺最唔適合嘅時候，講最唔適當嘅說話同做最衰嘅嘢。初時演出有難度，後來愈演愈過癮同得心應手，日日返工都好爽，可以做啲勁Mean嘅嘢，好享受！」談到角色最瘋狂之舉，Kelly透露接近結局時，有一場戲要她在Chilam、吳卓羲及高海寧面前脫剩內褲，她坦言考慮了一段時間才接受到監製陳維冠（Joe）提出的拍攝手法。
Kelly指劇本寫着她以內衣褲上陣，她尚可接受，但開拍後監製的提議卻超乎她的想像：「有日Joe、Chilam同卓羲話想同我傾吓嗰場戲，佢話想一鏡到底咁拍：『到時你除衫，我哋Take你個大露背，你只係着底褲，一Shot落冇得借位同剪接，你O唔OK？』我當時好驚訝同呆咗，突然要我大露背，我拒絕咗，我話：『No I don't think so, I'm not going to do it !』輪到佢哋呆咗！佢哋話個效果會好震撼，我知佢哋冇惡意，但我嗰一刻覺得唔舒服，就話：『我唔拍，你哋自己Cut shot，我唔一Shot落。』」
其後因劇本問題，拍攝中斷近3個月，Kelly亦未有將此事放在心上，到劇集復拍時，Chilam的太太袁詠儀（靚靚）前來探班，她跟靚靚、Chilam及江美儀一齊食飯，席間Chilam提起這場戲，Kelly說：「我當時話我唔會拍，美儀姐問我咩事，之後佢同我分析場戲，話嗰場戲要犧牲得較大，後面嘅劇情先可以成立，而且角色嘅人設會更突出，佢游說我：『拍啦，阿女，你應該要拍。』靚靚姐仲話會親自落去幫我清場。」Kelly稱聽完兩人的分析後，認同監製的建議有助劇情推動及效果，翌日便主動跟監製表示願意按照其方式拍攝。
Kelly指這場戲非常具挑戰性，5頁紙對白、近7分鐘戲一鏡到底，不止要半裸，還有情緒爆發，他們花了近3小時排走位，拍出來的效果大家都很滿意，她尤其感激Chilam：「佢好畀到戲對手，嗰場戲個情緒係好羞辱，拍攝時佢撥開我嘅頭髮同扯咗我一下頭髮，我嘅眼淚就忍唔住出嚟，覺得好侮辱。」
爆吳卓羲有情敵
另外，提到跟緋聞男友吳卓羲劇中飾演夫妻，問到拍攝時可有觸電感覺？她笑言大家少談情戲，反而多鬧交戲，對他有心痛及內疚感，坦言二人無論劇內或劇外均默契十足。對於目前關係，她形容是「了解中」，讚對方是一個開心的人，相處輕鬆。雖然她與吳卓羲已是半公開的關係，但Kelly仍不乏裙下之臣，問到可有追求者？她不諱言：「都有人Say Hi。（你有冇去了解？）我好隨緣，Open to it。」看來吳卓羲要好好加把勁。《璀》劇上周跨平台直播最高收視達22點，並成為無綫自2025年以來首周播放最高收視劇集。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
