掃呢頁CODE去手機

2026年10月27日 星期二

郭富城61歲牛一晒全家福 擺「三獅守護」陣望3年內成功求子 #郭富城

天王郭富城(Aaron)昨日(26日)迎來61歲大壽,愛妻方媛(Moka)於深夜曬出「一家五口」全家福為老公慶生。令人震撼的是,相中步入花甲之年的郭富 ...






天王郭富城(Aaron)昨日(26日)迎來61歲大壽,愛妻方媛(Moka)於深夜曬出「一家五口」全家福為老公慶生。令人震撼的是,相中步入花甲之年的郭富城穿上恤衫打領帶,懷裏輕鬆抱着「三寶」郭詠心(Cheryl),手臂線條極之結實,完全零老態,網民指其狀態似40歲。今次全家福最大的驚喜,莫過於一直被保護得極好的「三寶」首度正面亮相。


天王郭富城同太太方媛婚後育有3名囡囡,最近郭富城被發現於大坑道嘉園(「城堡」)嘅安樂窩天台悄悄將昔日嘅金剛陣撤走,換上全新「三獅守護」布局,即傳出佢力求望三年內打破「四大天王外父命」都市傳說,追仔成功再做爸爸。


郭富城居住多年嘅大坑道嘉園頂樓,該處係風水寶地,助佢事業馬壇兩得意,惟玄學家區仲德分析,前幾年「城堡」旁因大興土木,導致郭富城同方媛犯「動土胎煞」,影響男丁運勢。如今鄰近地盤終於完工,郭富城屋頂風水陣已重新布局,原先用作以硬碰硬擋煞嘅金剛已消失,取而代之係三隻靈獅。玄學家指此陣為「三獅會堂局」,能將風水由「擋」化「鎮」,獅吼退煞並保護幼小。配合屋外一直擺設嘅「九條金龍陣」,預料郭富城極有機會三年內為家庭添丁,令五口之家變六口,圓滿又幸福。除天台變陣,郭富城又貼心地於嘉園租下低層單位畀外父外母住,外牆擺放兩隻神獸護蔭仔女、保全家平安。如今郭富城於風水與家庭的全力支持下,一邊備戰跨年啟德個唱,一邊朝4個小朋友嘅家庭目標邁進。



本文作轉載及備份之用 來源 source: http://hk.on.cc
鍾意就快D Share啦!