哈利卡尼上季狂入73球。
萬眾期待嘅金球獎揭盅！英格蘭前鋒哈利卡尼憑上季狂入73球嘅恐怖數據，壓倒基利安麥巴比、拉明耶馬等勁敵當選，係自2001年嘅奧雲後，近25年來首個英格蘭球員贏得金球獎。哈利卡尼喺30歲嗰陣仲未贏過任何冠軍，近3年大爆發登上球壇之巔，成為史上第4大年紀嘅金球獎得主。
今屆金球獎頒獎禮喺倫敦舉行，3大熱門哈利卡尼、麥巴比同耶馬都有出席，被視為近年競爭最激烈嘅一屆。金球獎最終由哈利卡尼贏出，佢係繼馬菲斯、卜比查爾頓、奇雲基瑾同奧雲後，史上第5個得獎英格蘭球員，距離對上一次奧雲贏金球獎(2001年)，英格蘭球迷足足等咗25年。
哈利卡尼喺巴西傳奇朗拿度手上領獎後表示：「我真係唔知講乜，喺倫敦得獎令呢件事更有意義，好多謝所有投票畀我嘅人，呢一年非常艱難。今日有好多世界級球星到場，我恭喜每個得獎者同候選人，我哋都證明咗有決心同努力，係可以達成夢想。」
過往金球獎得主，通常都係畀世盃/歐國盃或者歐聯冠軍成員，哈利卡尼上季雖然無緣大型賽事冠軍，但仍為拜仁慕尼黑贏德甲同德盃冠軍，最重要係佢破紀錄嘅入球數字，為拜仁上陣51場入61球，連埋國家隊65場入73球，過去只有11/12球季嘅美斯有更高紀錄。
哈利卡尼2009年喺熱刺出道，而且一踢就踢咗13年，雖然已成為頂級前鋒，但喺熱刺始終同冠軍無緣。2023年佢以30歲之齡毅然轉會拜仁，結果證明呢次冒險相當明智，佢連贏2季德甲冠軍，入球數更不斷上升，今日以33歲90日之齡贏得金球獎，寫下足球史上「有心唔怕遲」嘅勵志故事。
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
