曾於女團AKB48首屆猜拳大賽勝出而獲封「拳后」的32歲舊將內田真由美，2015年離隊後，專心打理燒肉店生意。日前佢先喺社交網報喜，宣布榮升人妻，下嫁香港人老公，尋日（13日）佢繼續晒出婚禮相，原來她同港人老公已於10月10日喺日本舉行盛大婚宴，筵開多席。
婚禮上星光熠熠，多位前AKB48隊友，包括北原里英、高城亞樹、大家志津香等均有出席。內田真由美於婚宴上先後以純白及火紅色晚裝見人，更與隊友們喺台上大展歌喉、又唱又跳，似足小型演唱會，氣氛歡樂。席間佢大晒廣東話：「好多謝大家嚟參加我哋婚禮！」台下親友都歡呼讚賞佢嘅廣東話。婚禮上內田真由美在上台致辭感謝，一度同身旁丈夫相擁而泣，真情流露又溫馨感人。
內田真由美透露，港人老公嘅家人專程飛往日本觀禮，當中包括男方高齡93歲嫲嫲，見證孫仔成家立室。除喺日本舉行西式婚宴，內田真由美跟足香港傳統，向長輩進行敬茶儀式。見佢身穿中式裙褂，跪地向老公嫲嫲敬茶，並表示自己第一次稱呼對方為「嫲嫲」，正式成為夫家的一份子，更承諾會努力學好廣東話。
有眼利網民發現敬茶片背景，疑似係香港公共屋邨單位，裝潢樸實，推斷其丈夫並非大富之家，網民一面倒大讚內田真由美不重物質，更欣賞其丈夫靠個人努力與真心娶得美人歸，紛紛留言稱讚佢係「港男之光」、「為港爭光」。
此外，內田真由美特意挑選香港老字號「蓮香樓」的茶杯作為賓客回禮，小禮物充滿香港特色，足見佢已融入香港文化，極尊重夫家。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
