藝人裕美與前大律師林作相戀逾7年，曾擔心遺傳、教育及失自由等問題，公開放狠話拒做媽咪，但日前突然轉軚，自爆考慮接受雪卵手術預留後路，日後可一嘗當母親滋味，卻語出驚人指腹中塊肉未必是男友的種！
現年38歲的裕美跟林作譜姊弟戀7年，期間互相扶持經歷風雨，她明言在眾多男友中，林作是「最長命」的一個：「以前啲男友，多數兩、三年就玩完。」雖然林作夠「命硬」，但她曾堅稱不會為男友留後，除了因對方不喜歡小孩，更狠批他「樣衰兼賤格」：「唔想生個翻版林作出嚟。」又自稱事業心重，不想承受家庭及管教壓力。
不過隨着年紀增長，裕美日前接受專訪時突然改口表示有意雪卵，為生BB做好準備，令她改變初衷的原因是「時間到」，她說：「因為林作表姐話30幾同40幾歲嘅卵子數量差好遠，咁我過多兩年就40歲，怕將來突然改變主意時，自己又冇機會。（唔係怕生個『小林作』出嚟咩？）唔一定同佢生。」又預計在香港以外的地方接受手術。
男友舉腳贊成
裕美的「生育大作戰」踏出一小步，但她依然顧慮多多，續說：「知道接受雪卵手術前要狂打好多針，我好驚痛，聽講話賀爾蒙有少少改變，可能會變得更情緒化，我本身都好癲。」同時又要考慮將來小朋友的教育問題，她不想BB似林作，打算工作時交由母親照顧，不勞煩林作的媽媽。問到將來做媽媽後會否減輕工作量？她堅定表示：「我一定唔會做家庭主婦。（林作贊成你生B？）雪卵嗰幾十萬又唔係佢畀，等我搵吓贊助先。」
而林作受訪時舉腳贊成裕美雪卵：「人係想有多啲選擇，佢都38歲，我明嘅。（咁你想唔想有小朋友？）我係想紮（絕育）。（咁幫唔到裕美喎？）咁我儲定啲，我又要雪精。」問到他們曾兩度在社交網上載婚照，是否早已秘婚？他揭開謎底表示其實是工作所需。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
