否認賣弄色情 陳瀅：Visually可以大膽啲
對於半裸上陣惹來投訴，陳瀅在訪問中強調角色並非單純賣弄色情：「Sarah角色嘅出發點同埋佢個感受背後唔係sexy（性感），我覺得可以大膽啲，即係我個visually（畫面上）可以大膽啲。」她續指：「我覺得最important係，如果呢場戲係好lust（情慾）或者係好為性（情慾），咁我都唔會覺得需要好sexy，因為其實佢唔係。」
在旁的張智霖亦力撐拍檔，解釋角色是真實反映暗黑世界：「其實佢係有一個目的而去做......from the第一步一路落去，點解佢今日要咁做，大家繼續睇《璀璨之城》就會知道。哦，原來再睇番之前嘅時候就會知道，咦，正如阿瀅所講，唔係一個sexual嘅嘢，而係it's a plan。」他認為這種極端行為符合角色設定：「可能真係會咁過，如果真係有官孝賢呢個人，有Sarah呢個人，可能真係佢哋會咁做。」
張智霖力證無替身：真係有腹肌
陳瀅表示非常信任監製陳維冠，笑說：「我第一套拍《M Club》已同監製合作，同埋係Chilam，我覺得可以進取少少。」對於有網民質疑陳瀅用替身或用AI畫面，陳瀅親口否認並表示為此下過苦功：「真係要即刻要做gym同埋做好多下半身嘅training囉。」張智霖隨即極力作證：「Wow, 有腹肌喎！真係有，我唔係講笑，真係有腹肌。」
他又大讚陳瀅專業：「我覺得係必須嘅，就不停去刺激對手。我哋其實做演員就係，你點樣可以做到最盡嗰場戲，攞到最盡，攞到個ceiling（天花板）。」陳瀅亦坦言演出難忘：「其實都好難忘，我都未做過呢啲咁樣嘅... 動作。」
大爆導演加戲：拎部電話出嚟影佢！
談到劇中官孝賢拿出手機狂影的爭議畫面，張智霖大爆原來是聽從導演指示，自己當時都以為已經收工：「我都邊度夠膽講話唔滿意呀！一切都係聽從導演指示我去拍。尤其係呢一場戲，到陳瀅小姐瞓咗落床之後，我心諗：『哦，咁完喇啩，收工喇？』No! 等陣先，等陣先！我心諗又點呀？『你拎部電話出嚟，影佢！』」張智霖續說：「係咪真㗎？我話咁影完點呀？『除眼鏡囉！』」被問老婆袁詠儀看到會是什麼味道？張智霖一臉尷尬說：「我唔知呀。」但兩人拍攝如此專業，相信靚靚都不會介意。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
