藝人吳若希被無綫逐出《三代同糖》家門後，劇組出動《愛．回家》舊將力圖挽救收視，但HOY實行「趁你病攞你命」，調時段推出網民寄以厚望的處境劇《你的保安李寶安》，兩劇同時段播放，電視大戰一觸即發。而吳若希「離家」後傳聞多多，被爆不堪壓力患情緒病，又遭劇組「彈鐘」，但她受訪時卻預告即將「回家」。
由吳若希（Jinny）、車婉婉擔大旗的無綫處境劇《愛．回家之三代同糖》，接棒高收視的《愛．回家之開心速遞》播出，口碑、收視雙雙仆直，Jinny更成為箭靶，被網民狂轟角色及演技均不討好，加上為友台HOY的貼文點讚再惹禍，結果她在劇中被「發配邊疆」吳旺達，還遭劇情「吊打」，由客串飾演「張太」的吳沚默當場寸爆：「有啲嘢睇穿不能說穿」、「呢件事就係畀個教訓你，嘢係唔可以亂講」，對白句句有骨，令Jinny喊住跟「家人」道別，簡直人生如戲，網友更揶揄劇集由「三代同糖」變作「三代徬徨」。
雖然《三代同糖》現在加入《愛．回家》舊將如「馬強」徐榮、「KC」歐瑞偉及「路小小」羅毓儀等試圖救亡，但在見到成效之前，HOY已瞄準搶灘良機，推出逢周一至周五播映的全新處境劇《你的保安李寶安》，並順應民意由晚上9時半提早至8時播映，擺明「硬砌」同一檔期的《三代同糖》。本月26日首播的《你》劇，已獲不少網民一致看好，該劇由金像獎導演何爵天執導，加上演員李尚正的冷幽默、「倒戈」的江嘉敏以及型男魏浚笙，題材及演員陣容有新鮮感，大讚「可以食住飯噴飯」。而HOY將於今日舉行記者會公布節目內容，邀江嘉敏、李尚正、盧頌恩（妹頭）等40多位藝人出席，單憑記者會名稱《火力全HOY》已挑機味濃。
否認傳聞 預告「回家」
至於本是《三代同糖》女主角之一的Jinny，被「調離」劇組後傳聞仍不絕於耳，有讀者爆料指她雖然獲無綫高層曾勵珍力撐，仍不堪輿論壓力，以情緒問題及陪伴子女為由申請長假，更有指她拍廠景未埋位時，匿在角落一邊喊一邊和家人傾電話紓緩情緒。另外，Jinny還被爆拍攝外景期間，苦等幾小時埋位，卻突然被通知「唔使拍」，令她大感愕然。
現身在韓國旅遊的Jinny接受訪問時，先不回應《三代同糖》遭HOY狙擊，更否認關於壓力爆煲、患情緒病兼喊住搵家人訴苦等傳聞，直指「好癲」：「如果有情緒病嘅話，見到網民咁樣寫鬧我，我真係跳樓死咗啦，我冇試過喺片場喊。」她又幽默指10月10日是結婚周年紀念日及世界精神病日，自抽精神異於常人：「我個人比一般人係精神咗啲，可能有少少『精神』病，但應該冇情緒病，多謝大家關心。」Jinny認為唯一的事實是曾勵珍及同劇的拍檔車婉婉真心愛她，彷彿「多咗頭家」。至於拍外景被臨時「彈鐘」一事，她否認：「冇發生過呢件事，冇試過有外景叫唔使拍喎，所有嘢都係On Plan發生。」
而Jinny淡出劇集後，不出席任何宣傳活動，直至近日才在社交網轉發網民對她不捨的貼文，有人留言指劇集收視差，劇本出問題才是主因，會繼續支持她，Jinny開心謂：「好Sweet呀，咁多年嚟努力冇白費。」她又預告將重返劇組：「等我搬完屋，可以返嚟啦，執咗70%屋。」另外，有網民分享Jinny和車婉婉及李茵彤在觀塘拍外景的照片，指一周後傳出Jinny得罪高層，之後便沒機會在街頭遇上她。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
