曾奪得台灣金馬獎影后的李麗珍，近日偕馬來西亞女神林明禎及導演高志森到加拿大宣傳新片，並於昨日舉行的「多倫多中華電影節」奪得「傑出演藝成就獎」！李麗珍感謝觀眾多年來的支持，並視今次奪獎為演藝路上的一個里程碑。
藝人李麗珍（珍妹）在影壇有不少經典作品，早年憑電影《千言萬語》奪得台灣金馬獎影后殊榮。近日她偕林明禎及導演高志森在加拿大宣傳新片《富貴逼人來》，昨日更盛裝出席「多倫多中華電影節」頒獎禮，入行40年的珍妹獲大會頒發「傑出演藝成就獎」，得悉獲獎一刻，十分感動，並在恩師高志森陪同下上台領獎。
林明禎四圍騰觀光
珍妹感謝一直支持自己的觀眾及粉絲，見證她在行業裏無數的轉變，並感激一路上陪伴她的女兒倚榕及高志森等：「無論我處於高山或者低谷都不斷鼓勵我，當然要特別多謝高志森當年發掘我同栽培我，咁多年我哋亦師亦友，佢教咗我多。」之後大隊到當地一間充滿80、90年代風格的餐廳慶功，珍妹指今次得獎意義重大：「今次我喺《富》片係演一個搞笑媽咪，近年我嘅戲都比較沉重，呢個獎可以算係見證我今次嘅轉型。」
高志森直言見證珍妹攞獎，百感交集：「睇住佢入行，由電影《開心鬼》開始，睇住佢咁多年嘅起起伏伏。佢嘅眼神好有戲，拍戲好有優勢，今次飾演一個搞笑媽咪，算係轉型成功，之後仲會有好多機會。」至於悉心打扮參與頒獎禮的林明禎神采飛揚，全因她近日除了宣傳新片，還順道四出遊覽及歎美食，寓工作於娛樂，玩得相當盡興！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
