藝人吳卓羲（Ron）與張曦雯(Kelly）早前被傳在新劇《璀璨之城》戲假情真，更一隻貓兩份養，朝夕相對而撻着。二人今日（8日）現身《璀》劇宣傳記者會，屬玩得之人的Ron於合照期間被要求跟Kelly一起「派心心」時竟罕有尷尬，至於向來「男仔頭」的Kelly亦表現害羞。
問到二人是否拍拖？Ron叫大家先將注意力集中看劇，他説：「劇入面我哋幾相愛！（現實中？）我哋唔拍戲時都好照顧大家，一齊食飯傾下劇本，好多人嘅。（唔係單獨？）我哋又未敢。（但你想嘅？）想㗎！」身旁Kelly亦甜笑表示想單獨約會，Ron即說：「畀啲空間我哋先！」記者繼續追問二人是否因拍劇而撻着？Kelly亦叫大家先看劇中愛情線，問到是否之後公開？Ron笑言：「到時話畀你聽囉，收視好嘅話。」
談到有指Kelly新收養的流浪貓「冬菇」是二人共同收養，Ron笑指家中沒有冬菇，Kelly則宣示主權説：「冬菇係屬於我嘅！我係佢第一個媽咪，我係佢第一個家。（第一個爸爸？）佢暫時喺一個單親家庭中長大。」Ron亦表示只看過「冬菇」的照片，未有親身見過，笑言連家中貓咪也多得抱不完，又透露早前報讀製作寵物食品的證書課程，有將出品送給「冬菇」試食。問到有否發展機會？Kelly即表示覺得Ron好好：「愛小動、考順，講唔晒。（準備好迎接新戀情？）都Ok。」Ron亦表示「我隨時準備好，隨緣。（同Kelly有緣？）冇緣點一齊拍戲。（覺得Kelly有何優點？）溫柔、大方、又靚、心哋又好、做戲又專業又有愛心，非常好！（好完美？）完美到極點。」
另談到張智霖(Chilam）台上透露Ron角色好色，Ron笑指未看劇先不要下定論，Kelly則笑指Ron在劇中只有好色其他女角色，自己沒有份，問到Ron是否有很多激情戲？他説：「淨係同高海寧，佢角色係我細個初戀，但後來嫁咗畀我阿哥（張智霖飾）。」他表示劇中跟Kelly演老夫老妻，沒有親熱鏡頭。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
